News October 28, 2024
విషాదం.. ప్రాణం తీసిన చికెన్ ముక్క
AP: అన్నమయ్య(D) రాజంపేట(మ) మన్నూరులో విషాదం చోటుచేసుకుంది. చికెన్ ముక్క రెండేళ్ల చిన్నారి ప్రాణం తీసింది. నిన్న ఆదివారం కావడంతో కృష్ణయ్య, మణి దంపతులు చికెన్ వండారు. పొరపాటున కింద పడ్డ చికెన్ ముక్కను సుశాంక్ తినేందుకు యత్నించాడు. గొంతులో ఇరుక్కుపోయి ఊపిరాడక అపస్మారక స్థితిలోకి వెళ్లాడు. ఆస్పత్రికి తరలిస్తుండగా చనిపోయాడు. చికెన్ ముక్క గొంతులో ఇరుక్కోవడంతోనే అతడు చనిపోయినట్లు వైద్యులు ధ్రువీకరించారు.
Similar News
News November 17, 2025
మూడో భర్తకూ హీరోయిన్ విడాకులు!
మలయాళ హీరోయిన్ మీరా వాసుదేవన్ మూడో భర్తకూ విడాకులు ఇచ్చినట్లు సమాచారం. 2025 AUG నుంచి సింగిల్‌గా ఉంటున్నానని ఆమె ఇన్‌స్టాలో పోస్టు చేశారు. మీరా 2005లో విశాల్ అగర్వాల్‌ను పెళ్లాడి ఐదేళ్లకు డివోర్స్ ఇచ్చారు. 2012లో నటుడు జాన్ కొక్కెన్‌ను వివాహం చేసుకోగా ఓ బాబు పుట్టాడు. 2016లో ఆయనకు విడాకులిచ్చి 2024లో కెమెరామెన్ విపిన్‌ను పెళ్లాడారు. కాగా ఈమె తెలుగులో గోల్‌మాల్, అంజలి ఐ లవ్ యూ చిత్రాల్లో నటించారు.
News November 17, 2025
‘అన్నదాత సుఖీభవ’.. అచ్చెన్న కీలక ఆదేశాలు
AP: ఈ నెల 19న <<18310567>>అన్నదాత సుఖీభవ<<>> పథకం అమలు నేపథ్యంలో అధికారులకు మంత్రి అచ్చెన్నాయుడు కీలక ఆదేశాలు జారీ చేశారు. ‘అర్హులైన రైతులు చనిపోతే వారి వారసులకు డెత్ మ్యూటేషన్ చేసి ఈ పథకం వర్తించేలా చర్యలు తీసుకోవాలి. NPCIలో ఇన్‌యాక్టివ్‌గా ఉన్న అకౌంట్లను యాక్టివేట్ చేయాలి. ఈ దిశగా రైతులకు అవగాహన కల్పించాలి. అలాగే ఈ స్కీమ్‌కు అర్హత ఉన్న వారు ఆన్‌లైన్‌లో నమోదు చేసుకునే విధానాన్ని సులభతరం చేయాలి’ అని సూచించారు.
News November 17, 2025
గర్భంతో ఉన్నప్పుడు ఇద్దరి కోసం తినాలా?
చాలామంది పెద్దవాళ్లు గర్భవతి ఇద్దరి కోసం తినాలంటూ ఒత్తిడి చేస్తుంటారు. కానీ అది సరికాదంటున్నారు నిపుణులు. గర్భవతులు తమ బరువు పెరుగుదలను ఆరోగ్యకరమైన పరిమితిలో ఉంచుకోవడానికి తక్కువ మోతాదుల్లో ఎక్కువసార్లు తినడం మంచిది. అన్ని పోషకాలు ఉండే సమతులాహారం తీసుకోవాలి. అలాగే కొందరు ప్రెగ్నెన్సీలో అసలు బరువే పెరగకపోవచ్చు. అది వారి శరీరతత్వంపై ఆధారపడి ఉంటుంది. దీనివల్ల ప్రెగ్నెన్సీకి ఎలాంటి ఇబ్బందీ ఉండదు.