News April 3, 2024
నేటి నుంచి ఎక్సైజ్ కానిస్టేబుళ్లకు శిక్షణ
TG: ఎక్సైజ్ శాఖ కానిస్టేబుళ్లకు నేటి నుంచి శిక్షణ ప్రారంభం కానుంది. హైదరాబాద్ అప్పాజంక్షన్ వద్ద ఉన్న ట్రైనింగ్ అకాడమీలో మొదటి బ్యాచ్‌లో భాగంగా 125 మంది ట్రైనీలకు శిక్షణ ఇవ్వనున్నారు. 475 మంది కానిస్టేబుళ్లు ట్రైనింగ్‌కు వచ్చేందుకు సిద్ధంగా ఉన్నట్లు అధికారులకు సమాచారం అందింది. కాగా రెండు నెలలుగా పెండింగ్‌లో ఉన్న ఈ ఎక్సైజ్ కానిస్టేబుళ్ల శిక్షణకు ఇటీవల సీఎం రేవంత్ గ్రీన్ సిగ్నల్ ఇచ్చారు.
Similar News
News January 4, 2025
వామ్మో కాన్‌కాల్స్! ఫ్యామిలీ లైఫ్ బిల్‌కుల్ మిస్!
BFSI, మార్కెటింగ్ ఇండస్ట్రీస్‌లో కాన్‌కాల్స్ సహజం. టార్గెట్లను ఏ మేరకు సాధించారో తెలుసుకొనేందుకు ఇది అవసరమే. సాయంత్రం వరకు డ్యూటీచేసి ఇంటికొచ్చాక గంటల కొద్దీ కాల్స్ అటెండ్ చేయడమే కష్టమవుతోంది. దీంతో కుటుంబ బాధ్యతలు, బంధాలు, ప్రేమలకు దూరమవుతున్నామని ఉద్యోగులు వాపోతున్నారు. పిల్లలతో కలిసి కనీసం సరదాగా గడపడం లేదని బాధపడుతున్నారు. ఆఫీస్ టైమ్‌లోనే కాల్స్ ఉండాలని కోరుకుంటున్నారు. మీరూ ఈ బాధితులేనా?
News January 4, 2025
AP-TG మధ్య కొత్త వివాదం
తెలుగు రాష్ట్రాల మధ్య మరో కొత్త వివాదం తెరపైకి వచ్చింది. గోదావరి జలాలను రాయలసీమకు తరలించేందుకు AP CM చంద్రబాబు ప్రకటించిన <<15020850>>బనకచర్ల ప్రాజెక్టుపై<<>> తెలంగాణ అధికారులు అభ్యంతరం వ్యక్తం చేస్తున్నారు. ఈ ప్రాజెక్టుకు అనుమతులు లేవని CM రేవంత్ దృష్టికి తీసుకెళ్లారు. దీంతో తెలంగాణ అభ్యంతరాలను AP CSకు పంపాలని ఆయన సూచించారు. అవసరమైతే గోదావరి బోర్డు, కేంద్ర జలశక్తి శాఖకు లేఖలు రాయాలని ఆదేశించారు.
News January 4, 2025
సౌతాఫ్రికా క్రికెటర్ సరికొత్త ఘనత
సౌతాఫ్రికా ప్లేయర్ ర్యాన్ రికెల్‌టన్ సరికొత్త ఘనత సాధించారు. టెస్టుల్లో తొలి సారి ఓపెనింగ్ చేస్తూ అత్యధిక స్కోరు సాధించిన ఆటగాడిగా నిలిచారు. పాకిస్థాన్‌తో జరుగుతున్న రెండో టెస్టులో రికెల్‌టన్ (214*) డబుల్ సెంచరీ సాధించారు. ఈ క్రమంలో బ్రెండన్ మెక్‌కల్లమ్ (201*) రికార్డును ఆయన అధిగమించారు. వీరి తర్వాత గ్రేమీ స్మిత్ (200), కాన్వే (200), శిఖర్ ధవన్ (187), రోహిత్ శర్మ (176), జైస్వాల్ (171) ఉన్నారు.