News February 2, 2025
త్రిష తెలంగాణకు గర్వకారణం: రేవంత్
TG: అండర్-19 ఉమెన్స్ వరల్డ్ కప్ను గెలుచుకున్న భారత జట్టుకు సీఎం రేవంత్ రెడ్డి అభినందనలు తెలిపారు. జట్టు విజయంలో కీలక పాత్ర పోషించిన త్రిషపై ప్రశంసల వర్షం కురిపించారు. ఇలాంటి ప్లేయర్లు తెలంగాణకు గర్వకారణమని అన్నారు. మరింతగా రాణించి సీనియర్ జట్టులో స్థానం సంపాదించుకోవాలని ఆకాంక్షించారు. నైపుణ్యమున్న ప్లేయర్లను రాష్ట్ర ప్రభుత్వం ప్రోత్సహిస్తుందని పేర్కొన్నారు.
Similar News
News April 6, 2026
కల్తీ కేటుగాళ్లపై పీడీ యాక్ట్.. మంత్రి వార్నింగ్
TG: డ్రగ్స్ నిర్మూలనకు EAGLE వ్యవస్థను ఏర్పాటు చేసినట్టుగా, ఫుడ్ సేఫ్టీ కోసం కూడా ప్రత్యేక వ్యవస్థను ఏర్పాటు చేయాలని సీఎం రేవంత్ సంకల్పించారని మంత్రి దామోదర రాజనర్సింహ తెలిపారు. కల్తీ కేటుగాళ్లపై పీడీ యాక్ట్ వంటి కఠిన చర్యలు తీసుకుంటామని స్పష్టం చేశారు. గత రెండేళ్లలో 11వేలకు పైగా తనిఖీలు నిర్వహించామని చెప్పారు. ఫుడ్ సేఫ్టీ విషయంలో అత్యంత కఠినంగా వ్యవహరించాలని ప్రభుత్వం నిర్ణయించిందన్నారు.
News April 6, 2026
చెరకు రసం.. వీరు తాగొద్దు!
వేసవిలో చాలా మంది చెరకు రసాన్ని ఇష్టంగా తాగుతారు. అయితే డయాబెటిస్ (షుగర్) వ్యాధిగ్రస్థులు దానికి దూరంగా ఉండాలని వైద్యులు హెచ్చరిస్తున్నారు. చెరకు రసంలో గ్లైసెమిక్ ఇండెక్స్ అధికమని, రక్తంలో షుగర్ లెవల్స్ను ఒక్కసారిగా పెంచుతుందని తెలిపారు. లివర్, హార్ట్ సమస్యలు కూడా వస్తాయని చెప్పారు. తక్కువ రోగనిరోధక శక్తి, ఫ్యాటీ లివర్ ప్రాబ్లమ్స్ ఉన్నవారు సైతం చెరకు రసం తాగొద్దని సూచించారు.
Share It
News April 6, 2026
డిగ్రీలో పాఠాల కంటే ప్రాక్టికల్స్కే ప్రాధాన్యం!
TG: డిగ్రీ కోర్సుల స్వరూపం మారబోతోంది. పుస్తకాల్లోని పాఠాల కంటే ప్రాక్టికల్ నాలెడ్జ్, ఇండస్ట్రీ నైపుణ్యాలకే ప్రాధాన్యం ఇచ్చేందుకు ఉన్నత విద్యామండలి సిద్ధమైంది. కోర్ సబ్జెక్టుల వెయిటేజీని 50-60%కి తగ్గించి, ఇంటర్న్షిప్ తప్పనిసరి చేసే యోచనలో ఉన్నట్లు సమాచారం. ప్రాక్టికల్స్, ఇంటర్న్షిప్లకు 10-15% క్రెడిట్లు కేటాయిస్తారని తెలుస్తోంది. విద్యార్థులు ఉద్యోగాలకు ఎంపికయ్యేలా ఈ మార్పులు చేస్తున్నారు.