News January 31, 2025
బంగాళాఖాతంలో ద్రోణి.. రేపు వర్షాలు
AP: నైరుతి బంగాళాఖాతంలో ద్రోణి విస్తరించినట్లు IMD వెల్లడించింది. దీని ప్రభావంతో సముద్రం నుంచి తమిళనాడు, కోస్తా మీదుగా తూర్పు గాలులు వీస్తున్నాయని తెలిపింది. దీంతో కోస్తాలోని అనేక ప్రాంతాల్లో మేఘాలు ఆవరించడంతో పగటిపూట వాతావరణం చల్లగా మారినట్లు పేర్కొంది. రేపు దక్షిణ కోస్తా, రాయలసీమల్లో అక్కడక్కడా వర్షాలు కురిసే అవకాశం ఉందంది.
Similar News
News January 31, 2025
విమాన ప్రమాదం PHOTOS
అమెరికాలోని వాషింగ్టన్ డీసీలో జరిగిన <<15306564>>ఫ్లైట్ యాక్సిడెంట్<<>> ఫొటోలను అధికారులు విడుదల చేశారు. రీగన్ విమానాశ్రయంలో బంబార్డియర్ CRJ-701 విమానం ల్యాండ్ అవుతుండగా సైనిక హెలికాప్టర్ గాల్లో ఢీకొట్టింది. దీంతో విమానం మూడు చోట్ల ముక్కలుగా విరిగిపోయి పోటోమాక్ నదిలో పడిపోయింది. ఈ ప్రమాదంలో విమానంలోని మొత్తం 64 మంది, హెలికాప్టర్‌లోని ముగ్గురు ప్రాణాలు వదిలారు.
News January 31, 2025
డాలర్‌ను కాదంటే.. బ్రిక్స్‌కు ట్రంప్ స్ట్రెయిట్ వార్నింగ్
డాలర్‌ నుంచి పక్కకు వెళ్లేందుకు ప్రయత్నిస్తే బ్రిక్స్ దేశాలపై 100% టారిఫ్స్ తప్పదని US Prez డొనాల్డ్ ట్రంప్ వార్నింగ్ ఇచ్చారు. తాము చేతులు కట్టుకొని చూస్తూ నిలబడే పరిస్థితి ముగిసిందన్నారు. ‘బ్రిక్స్ దేశాలు డాలర్‌కు ప్రత్యామ్నాయంగా మరో కరెన్సీ తేకుండా మాకు కమిట్మెంట్ అవసరం. లేదంటే టారిఫ్స్ ఎదుర్కోవాల్సిందే. US ఎకానమీలో అమ్మకాలకు గుడ్‌బై చెప్పాల్సిందే. లేదా మరో దేశాన్ని వెతుక్కోవాలి’ అని అన్నారు.
News January 31, 2025
నేటి నుంచి అరకు ‘చలి’ ఉత్సవాలు ప్రారంభం
AP: అరకు లోయలో నేటి నుంచి చలి ఉత్సవాలు ప్రారంభం కానున్నాయి. 3 రోజుల పాటు ఇవి జరగనున్నాయి. ఉత్సవాల కోసం స్థానిక ప్రభుత్వ డిగ్రీ కళాశాలను అధికారులు ముస్తాబు చేశారు. సాయంత్ర వేళల్లో సాంస్కృతిక కార్యక్రమాలు, హెలికాప్టర్ రైడ్, హాట్ ఎయిర్ బెలూన్ మోటార్ గ్లైడింగ్ ప్రత్యేక ఆకర్షణలుగా నిలవనున్నాయి. పర్యాటకం పెంపుదలే లక్ష్యంగా వీటిని రాష్ట్రం నిర్వహిస్తోంది.