News January 20, 2025
ట్రంప్ పార్టీ: నీతా అంబానీ కాంచీపురం పట్టుచీర స్పెషాలిటీ ఇదే!
డొనాల్డ్ ట్రంప్ ప్రైవేటు రిసెప్షన్లో నీతా అంబానీ కట్టుకున్న పట్టుచీరపై నెట్టింట చర్చ జరుగుతోంది. జాతీయ అవార్డు గ్రహీత బీ కృష్ణమూర్తి దీనిని ప్రత్యేకంగా రూపొందించారు. పురాణాల్లో కాంచీపురం మందిరాల ప్రాముఖ్యాన్ని శోధించి 100+ మోటిఫ్స్ డిజైన్ చేశారు. విష్ణువును ప్రతిబింబించేలా 2 తలల గరుడపక్షి, అమృతత్వం, దైవత్వానికి గుర్తుగా నెమళ్లను నేయించారు. దీనికి తోడుగా 18వ శతాబ్దపు వారసత్వ నగను నీతా ధరించారు.
Similar News
News February 23, 2026
సుబ్రహ్మణ్య స్వామి పిటిషన్ కొట్టివేత
AP: కల్తీ నెయ్యి వ్యవహారంలో సుప్రీంకోర్టు కీలక ఆదేశాలు జారీ చేసింది. రాష్ట్ర ప్రభుత్వం ఏర్పాటు చేసిన <<19208192>>ఏకసభ్య కమిషన్ను<<>> సవాల్ చేస్తూ సుబ్రహ్మణ్య స్వామి దాఖలు చేసిన పిటిషన్ను కొట్టేసింది. పరిపాలనా పరమైన లోపాల గుర్తింపునకు ఆ కమిషన్ను ఏర్పాటు చేశారని CJI ధర్మాసనం అభిప్రాయపడింది. సిట్ దర్యాప్తును కమిషన్ ప్రభావితం చేయబోదని పేర్కొంది.
News February 23, 2026
భారీ స్కామ్.. IDFC షేర్లు ఢమాల్
చండీగఢ్ బ్రాంచ్లో రూ.590 కోట్ల స్కామ్ వెలుగుచూడటంతో IDFC ఫస్ట్ బ్యాంక్ షేర్లు ఇవాళ భారీగా పతనమవుతున్నాయి. ఆందోళనకు గురైన ఇన్వెస్టర్లు ఈ కంపెనీ షేర్ల అమ్మకాలు చేపట్టారు. దీంతో గరిష్ఠంగా 20శాతం నష్టం చవిచూడగా తర్వాత కాస్త పుంజుకొని ప్రస్తుతం 16శాతం వద్ద కొనసాగుతోంది. హరియాణా ప్రభుత్వ విభాగం తమ బ్యాంకు ఖాతాను క్లోజ్ చేసి ఫండ్స్ ట్రాన్స్ఫర్ చేయాలని కోరిన నేపథ్యంలో ఈ స్కామ్ బయటపడింది.
News February 23, 2026
రాజమండ్రిలో కల్తీ పాలు.. సీఎం సమీక్ష
AP: రాజమండ్రిలో <<19213441>>కల్తీ పాల వ్యవహారంపై<<>> సీఎం చంద్రబాబు ఉన్నతాధికారులతో సమీక్ష నిర్వహించారు. పలువురు అస్వస్థతకు గురవడం, మరణించడంపై వివరాలు తెలుసుకున్నారు. బాధితులకు మెరుగైన వైద్యసాయం అందించాలని, ఫుడ్ సేఫ్టీ, వైద్యారోగ్య శాఖ అధికారులు వెంటనే రాజమండ్రి వెళ్లాలని సూచించారు. ల్యాబ్లో పాల నమూనాలను పరీక్షించిన తర్వాత ఫలితాలను బట్టి వ్యాపారులపై కఠిన చర్యలు తీసుకోవాలని ఆదేశించారు.