News September 28, 2024
TU: బ్యాక్ లాగ్ పరీక్షల రీవాల్యుయేషన్ షెడ్యూల్ ప్రకటన
తెలంగాణ విశ్వవిద్యాలయ పరిధిలోని పీజీ బ్యాక్ లాగ్ పరీక్షల రీవాల్యుయెషన్ షెడ్యూల్‌ను పరీక్షల నియంత్రణ అధికారిణి ఆచార్య ఎం.అరుణ శనివారం వెల్లడించారు. బ్యాక్ లాగ్ పీజీ విభాగం,LLB I,III,IV,V సెమిస్టర్ బ్యాక్ లాగ్ మరియు VI రెగ్యులర్ బ్యాక్ లాగ్ పరీక్షలకు హాజరైన వారు మాత్రమే అర్హులన్నారు. ఒక్కో పెపర్ రూ.500 చెల్లించవలసి ఉండగా, అక్టోబర్ 1లోపు చెల్లించవచ్చని పేర్కొన్నారు.
Similar News
News October 16, 2024
నిజామాబాద్: ‘పర్యావరణాన్ని కాపాడుకొని ఆదర్శంగా నిలవాలి’
పర్యావరణాన్ని కాపాడుకొని భావితరాలకు ఆదర్శంగా నిలవాలని ADEN HM బబ్లు పిలుపునిచ్చారు. నిజామాబాద్ రైల్వే స్టేషన్ ఆవరణలో మొక్కలు నాటి పర్యావరణ ప్రతిజ్ఞ చేశారు. అనంతరం అవగాహన ర్యాలీలో పాల్గొన్నారు. రైల్వే స్టేషన్ పరిసర ప్రాంతాల్లో అమ్మ పేరిట ఒక మొక్కను నాటే కార్యక్రమంలో పాల్గొన్నారు. భవిష్యత్తు తరాలకు మెరుగైన పర్యావరణంతో కూడిన భూమిని అందించడం మనందరి బాధ్యతగా గుర్తించాలని పేర్కొన్నారు.
News October 16, 2024
ఆలూరు: రోడ్డు ప్రమాదం..ఒకరు మృతి
ఆలూరు మండలం మచ్చర్ల గ్రామంలో రోడ్డు ప్రమాదం చోటు చేసుకుంది. స్థానికులు తెలిపిన వివరాల ప్రకారం.. చిన్నయ్య (48) అనే వ్యక్తి ద్విచక్ర వాహనంపై వన్నెల్ (కే) గ్రామం నుంచి వస్తుండగా అదుపుతప్పి విద్యుత్ స్తంభాన్ని ఢీకొట్టాడు. చిన్నయ్యకు తీవ్ర గాయాలు కావడంతో అక్కడే మృతి చెందాడు. పోలీసులు ఘటనా స్థలాన్ని పరిశీలించి మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు.
News October 15, 2024
రామారెడ్డి: వివాహిత ఆత్మహత్య.. కారణమెంటంటే..?
అనారోగ్య కారణాలతో వివాహిత ఆత్మహత్య చేసుకుంది. ఎస్ఐ నరేష్ వివరాలిలా..రామారెడ్డి మండలం ఇస్సన్నపల్లి గ్రామానికి చెందిన కొంపల్లి మల్లవ్వ (22) గత కొన్ని రోజులుగా అనారోగ్య సమస్యలతో బాధపడుతుంది. వైద్యం చేయించుకున్నా ఆరోగ్యం బాగు పడటం లేదు. ఈ క్రమంలో మనస్తాపం చెంది మంగళవారం ఇంట్లో దూలానికి ఉరేసుకొని ఆత్మహత్య చేసుకుంది. మృతురాలి అత్త పద్మ ఫిర్యాదు మేరకు కేసు చేసి దర్యాప్తు చేస్తున్నట్లు ఎస్ఐ తెలిపారు.