News September 21, 2024
ఎమ్మెల్యే ఆదిమూలం కేసులో ట్విస్ట్
AP: సత్యవేడు ఎమ్మెల్యే ఆదిమూలంపై అత్యాచార ఆరోపణలు చేసిన మహిళ తన ఫిర్యాదును వెనక్కి తీసుకున్నారు. తాను ఇచ్చిన ఫిర్యాదులోని ఆరోపణలు అవాస్తవమని కోర్టులో అఫిడవిట్ దాఖలు చేశారు. దీంతో ఎమ్మెల్యేపై తొందరపాటు చర్యలు వద్దని హైకోర్టు ఆదేశించింది. తదుపరి విచారణను ఈనెల 25కు వాయిదా వేసింది.
Similar News
News November 30, 2025
రబీ వరి నారు పోసుకునేందుకు సరైన సమయం
రబీ వరి సాగు చేసే రైతులు డిసెంబర్ 15 లోపు స్వల్పకాలిక రకాలతో నారుమడులు వేసుకోవాలని వ్యవసాయ నిపుణులు సూచిస్తున్నారు. అలాగే ఎద పద్ధతిలో సాగు చేసినప్పటికీ డిసెంబర్ 31లోపు విత్తుకోవాలి. ఇలా చేస్తే వరి కోత వచ్చే ఏడాది మార్చి నెలాఖరు నుంచి ఏప్రిల్ తొలి వారంలో పూర్తి చేయవచ్చు. దీని వల్ల ధాన్యం ముక్క అవ్వదు. అలాగే మార్చిలో కోతకు ముందు అపరాలు లేదా పచ్చిరొట్ట వేసుకోవడం వల్ల భూసారం కూడా పెరుగుతుంది.
News November 30, 2025
DEC 5న ఓటీటీలోకి ‘ది గర్ల్‌ఫ్రెండ్’
నేషనల్ క్రష్ రష్మిక, దీక్షిత్ శెట్టి ప్రధాన పాత్రల్లో నటించిన ‘ది గర్ల్‌ఫ్రెండ్’ మూవీ ఓటీటీలోకి రానుంది. నెట్‌ఫ్లిక్స్ వేదికగా డిసెంబర్ 5 నుంచి తెలుగు, తమిళం, కన్నడ, మలయాళం, హిందీ భాషల్లో స్ట్రీమింగ్ కానుంది. రాహుల్ రవీంద్రన్ దర్శకత్వం వహించిన ఈ సినిమా నవంబర్ 7న విడుదలై పాజిటివ్ టాక్ తెచ్చుకున్న విషయం తెలిసిందే.
News November 30, 2025
ఇమ్రాన్ ఖాన్ బతికే ఉన్నారు: పాక్ సెనేటర్
ఇమ్రాన్ ఖాన్ చనిపోయారన్న వార్తలపై ఆయన పార్టీ (పీటీఐ)కి చెందిన సెనేటర్ ఖుర్రం జీషన్ క్లారిటీ ఇచ్చారు. ఇమ్రాన్ బతికే ఉన్నారని, ప్రస్తుతం అడియాలా జైలులో ఉంచారని తెలిపారు. పాక్ నుంచి వెళ్లిపోయేలా ఒత్తిడి తెచ్చేందుకు ఆయన్ను ఒంటరిగా ఉంచారని పేర్కొన్నారు. ఇమ్రాన్‌కు ఉన్న ప్రజాదరణను చూసి ప్రభుత్వం భయపడుతోందని, అందుకే ఆయన ఫొటోలు, వీడియోలను రిలీజ్ చేేసేందుకు అనుమతివ్వడం లేదని ఆరోపించారు.