News December 25, 2024
స్పేస్‌లో రూపాయి ఖర్చుకు రెండున్నర రెట్ల ఆదాయం: సోమ్‌నాథ్
2035 నాటికి సొంత స్పేస్ స్టేషన్‌ ఏర్పాటే ఇస్రో లక్ష్యమని ఇస్రో లక్ష్యమని ఛైర్మన్ సోమ్‌నాథ్ వెల్లడించారు. ఇందుకోసం 2028లో తొలి మాడ్యూల్‌ని నింగిలోకి పంపిస్తామన్నారు. చంద్రుడిపైకి 2040కి వ్యోమగాములను పంపే లక్ష్యంతో పనిచేస్తున్నట్లు తెలిపారు. అంతరిక్ష పరిశోధనల కోసం కేంద్రం రూ.31వేల కోట్లు కేటాయించిందని చెప్పారు. స్పేస్ రంగంపై చేస్తున్న ప్రతి రూపాయి ఖర్చుకు రూ.2.52 ఆదాయం వస్తోందని వెల్లడించారు.
Similar News
News November 29, 2025
భారీగా పెరిగిన గోల్డ్, సిల్వర్ రేట్స్
ఇటీవల కాస్త తగ్గినట్టే తగ్గిన బంగారం ధరలు మళ్లీ పెరుగుతున్నాయి. 24 క్యారెట్ల 10గ్రా. గోల్డ్ రేట్ రూ.లక్షా 30వేలకు చేరువైంది. హైదరాబాద్ బులియన్ మార్కెట్లో ఇవాళ రూ.1,360 పెరిగి రూ.1,29,820గా నమోదైంది. 22 క్యారెట్ల 10గ్రా. పసిడి ధర రూ.1,250 ఎగిసి రూ.1,19,000కి చేరింది. అటు కేజీ వెండి ధర రూ.9వేలు పెరిగి రూ.1,92,000కు చేరింది.
News November 29, 2025
దిత్వా తుఫాను.. తెలంగాణకు వర్ష సూచన
TG: బంగాళాఖాతంలో ఏర్పడిన దిత్వా తుఫాను కారణంగా తెలంగాణలోని పలు జిల్లాల్లో నేటి నుంచి సోమవారం వరకు మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ పేర్కొంది. ఇవాళ కొన్ని జిల్లాల్లో తేలికపాటి నుంచి మోస్తరు వర్షాలు.. రేపు నాగర్ కర్నూల్, నారాయణపేట, మహబూబ్‌నగర్, గద్వాల, వనపర్తి జిల్లాల్లో అక్కడక్కడ భారీ వర్షాలు పడతాయని, సోమవారం కొన్నిచోట్ల మోస్తరు జల్లులు పడొచ్చని పేర్కొంది.
News November 29, 2025
దిత్వా తుఫాన్.. రైతులకు సూచన
తెలుగు రాష్ట్రాల్లో వరి కోతలు జోరందుకున్నాయి. అయితే దిత్వా తుఫాను కారణంగా AP, తెలంగాణలోని కొన్ని జిల్లాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ హెచ్చరించింది. ఈ తరుణంలో కోత పూర్తైన వరి పంటను/ధాన్యాన్ని రైతులు సురక్షిత ప్రాంతాలకు తరలించాలి. ధాన్యాన్ని కుప్పలుగా పోసి టార్పాలిన్ కప్పాలి. ఒకవేళ వానకు ధాన్యం తడిస్తే రంగు మారకుండా, మొలకెత్తకుండా నిపుణుల సూచనలు పాటించడం మంచిది.