News December 1, 2024
తుఫాన్ ఎఫెక్ట్.. రికార్డు స్థాయి వర్షపాతం
AP: ఫెంగల్ తుఫాను కారణంగా తిరుపతి, నెల్లూరు జిల్లాల్లో రికార్డు స్థాయి వర్షపాతం నమోదైంది. పుత్తూరులో అత్యధికంగా 187MM వాన పడింది. సూళ్లూరుపేటలో 150, నగరిలో 120, నాయుడుపేటలో 117, తిరుపతి సిటీలో 116, చాలా చోట్ల 87-110MM వర్షం కురిసింది. ఇవాళ కూడా మోస్తరు నుంచి భారీ వర్షాలు కురిసే అవకాశం ఉందని వాతావరణ నిపుణుల అంచనా. ఉత్తరాంధ్ర, కాకినాడ ప్రాంతాల్లో భారీ ఈదురుగాలులు వీస్తాయని చెబుతున్నారు.
Similar News
News December 4, 2025
థైరాయిడ్ ట్యూమర్స్ గురించి తెలుసా?
థైరాయిడ్ గ్రంథి పనితీరుపైనే మనిషి జీవక్రియలు ఆధారపడి ఉంటాయి. ఇంతటి ప్రధానమైన థైరాయిడ్ గ్రంథిలో కొన్నిసార్లు ట్యూమర్స్ ఏర్పడతాయి. గొంతు భాగంలో వాపు/ గడ్డ ఏర్పడినట్లు కనిపిస్తుంది. ఈ వాపు అనేది ఆహారం తీసుకునేటప్పుడు లేదా మింగేటప్పుడు పైకీ కిందకీ కదులుతుంది. కానీ ఎటువంటి నొప్పి, ఇబ్బంది ఉండదని నిపుణులు చెబుతున్నారు. కణితి పరిమాణం పెరిగినప్పుడు ఆహారం తీసుకుంటుంటే పట్టేసినట్లుగా అనిపిస్తుంది.
News December 4, 2025
థైరాయిడ్ ట్యూమర్స్ చికిత్స
థైరాయిడ్ ట్యూమర్స్ వచ్చినప్పుడు అల్ట్రాసౌండ్ స్కాన్ చేసి ఏ రకమైన కణితో తెలుసుకుంటారు. అలా తెలియకపోతే నీడిల్ ద్వారా కణితిలోని కొన్ని కణాలను బయటికి తీసి, మైక్రోస్కోప్లో పరీక్షిస్తారు. థైరాయిడ్ కణితి 3 సెం.మీ. కన్నా పెద్దగా ఉండి, ఆహారం తీసుకున్నప్పుడు ఇబ్బందికరంగా ఉంటే సాధారణంగా శస్త్రచికిత్స చేయాల్సి ఉంటుంది. అవసరాన్ని బట్టి నాన్ సర్జికల్ ట్రీట్మెంట్/ సర్జికల్ ట్రీట్మెంట్ చేస్తారు.
News December 4, 2025
పుతిన్ యుద్ధాన్ని ముగించాలనుకుంటున్నారు: ట్రంప్
రష్యా-ఉక్రెయిన్ మధ్య పీస్ ప్లాన్పై నిన్న రష్యాలో అమెరికా ప్రతినిధి బృందం చర్చలు జరిపిన విషయం తెలిసిందే. ఈ క్రమంలో పుతిన్ యుద్ధాన్ని ముగించాలని అనుకుంటున్నారని US అధ్యక్షుడు ట్రంప్ తెలిపారు. ‘పుతిన్తో జారెడ్ కుష్నెర్, స్టీవ్ విట్కాఫ్ సమావేశం బాగా జరిగింది. అయితే ఏం జరుగుతుందో ఇప్పుడే చెప్పడం తొందరపాటే అవుతుంది. పుతిన్ యుద్ధాన్ని ముగించాలని అనుకుంటున్నట్లు వారిద్దరూ అభిప్రాయపడ్డారు’ అని అన్నారు.