News August 1, 2024

UPDATE: శ్రీశైలం ప్రాజెక్టు 8 గేట్లు ఎత్తివేత

శ్రీశైలం జలాశయానికి వరద కొనసాగుతోంది. జలాశయం అధికారులు బుధవారం 8 గేట్లను 10 అడుగుల మేర ఎత్తి నాగార్జున సాగర్‌లోకి నీటిని వదులుతున్నారు. గేట్ల ద్వారా 2.23 లక్షల క్యూసెక్కులు, AP విద్యుత్ ఉత్పత్తి కేంద్రం ద్వారా 24,917 క్యూసెక్కులు, తెలంగాణ విద్యుత్తు ఉత్పత్తి కేంద్రం నుంచి 35,315 క్యూసెక్కుల నీటిని దిగువకు విడుదల చేసిన్నట్లు అధికారులు తెలిపారు. నీటిమట్టం 885 అడుగులకు గాను 884.50 అడుగులకు చేరింది.