News September 22, 2024
OG నుంచి అప్డేట్.. తమన్ ట్వీట్
పవర్ స్టార్ పవన్ కళ్యాణ్, సుజిత్ కాంబినేషన్లో తెరకెక్కుతోన్న చిత్రం ‘OG’. ఈ సినిమా నుంచి అప్డేట్ ఇచ్చేందుకు చిత్ర యూనిట్ సిద్ధమైంది. త్వరలోనే మాస్ ర్యాంపేజ్ అంటూ సంగీత దర్శకుడు తమన్ పోస్ట్ చేశారు. దర్శకుడు సుజిత్, తమిళ నటుడు శింబుతో కలిసి ఉన్న ఫొటోను ట్వీట్ చేశారు. ఈ సినిమాలో శింబు ఓ పాట పాడిన సంగతి తెలిసిందే. దీంతో తొలి సాంగ్ను విడుదల చేస్తారని ఫ్యాన్స్ కామెంట్లు చేస్తున్నారు.
Similar News
News September 22, 2024
మార్పులు లేకుండానే రెండో టెస్టుకు
బంగ్లాదేశ్తో రెండో టెస్టుకు భారత స్క్వాడ్లో మార్పులు లేవని బీసీసీఐ పేర్కొంది. ఈ నెల 27నుంచి కాన్పూర్లో రెండో టెస్టు జరగనుంది. తొలి మ్యాచులో 280 పరుగుల తేడాతో భారత్ విజయం సాధించిన సంగతి తెలిసిందే.
స్క్వాడ్: రోహిత్ (కెప్టెన్), యశస్వి జైస్వాల్, గిల్, కోహ్లీ, రాహుల్, సర్ఫరాజ్ ఖాన్, రిషభ్ పంత్, జురెల్, అశ్విన్, జడేజా, అక్షర్ పటేల్, కుల్దీప్ యాదవ్, బుమ్రా, సిరాజ్, ఆకాశ్ దీప్, యశ్ దయాళ్
News September 22, 2024
మెగాస్టార్కు లోకేశ్, కేటీఆర్ విషెస్
గిన్నిస్ బుక్ రికార్డ్స్లో చోటు దక్కించుకున్న మెగాస్టార్ చిరంజీవికి ఏపీ మంత్రి నారా లోకేశ్ అభినందనలు తెలిపారు. చిరు చిందేస్తే అభిమానులకు పూనకాలేనని ట్వీట్ చేశారు. ఈ ఘనత తెలుగువారికి గర్వకారణమని పేర్కొన్నారు. ఆయన 46 ఏళ్ల సినీ ప్రస్థానాన్ని ప్రపంచమంతా సెలబ్రేట్ చేసుకుంటుందని బీఆర్ఎస్ ఎమ్మెల్యే కేటీఆర్ ట్వీట్ చేశారు. తరతరాలను అలరిస్తూ తెలుగు సినిమాకు గర్వకారణమైన చిరంజీవికి అభినందనలు తెలియజేశారు.
News September 22, 2024
అనుర కుమార దిసనాయకే ఎవరంటే?
శ్రీలంక దేశాధ్యక్ష పీఠంపై కూర్చోనున్న <<14168908>>దిసనాయకే <<>>(55) వామపక్ష పార్టీ అయిన జనతా విముక్తి పెరమున(JVP)కు నాయకత్వం వహిస్తున్నారు. ప్రస్తుతం కొలంబో జిల్లా నుంచి పార్లమెంటుకు ప్రాతినిధ్యం వహిస్తున్నారు. ఈ ఎన్నికల్లో నేషనల్ పీపుల్స్ పవర్ కూటమికి ఆయన సారథ్యం వహిస్తున్నారు. గత ఎన్నికల్లో కేవలం 3వ స్థానానికే పరిమితమైన ఆయన ఈ సారి అధ్యక్ష ఎన్నికల్లో సత్తా చాటి భారీ తేడాతో గెలిచారు.