News November 25, 2024
అదానీ అంశంపై రచ్చ: బుధవారానికి వాయిదాపడ్డ పార్లమెంటు

పార్లమెంటు ఉభయసభలు బుధవారానికి వాయిదా పడ్డాయి. లోక్సభ, రాజ్యసభ ఆరంభమైన కాసేపటికే ఇండియా కూటమి సభ్యులు ఆందోళనకు దిగారు. గౌతమ్ అదానీపై న్యూయార్క్ కోర్టులో అభియోగాల నమోదుపై చర్చించాలని పట్టుబట్టారు. JPC వేయాలని డిమాండ్ చేశారు. పరిస్థితి సద్దుమణగక పోవడంతో లోక్సభ స్పీకర్ ఓంబిర్లా, రాజ్యసభ ఛైర్మన్ జగదీప్ ధన్ఖడ్ సభలను వాయిదా వేశారు.
Similar News
News November 29, 2025
తదుపరి CSగా సాయిప్రసాద్ నియామకం

AP: ప్రస్తుత ప్రధాన కార్యదర్శి కె.విజయానంద్ పదవీ కాలాన్ని ప్రభుత్వం మరో 3 నెలలు పొడిగించింది. 2026 ఫిబ్రవరి 28న ఆయన పదవీ విరమణ చేయనున్నారు. ఈమేరకు GO2230ను విడుదల చేసింది. కాగా తదుపరి చీఫ్ సెక్రటరీగా వాటర్ రిసోర్స్ డిపార్టుమెంటు స్పెషల్ CS జి.సాయి ప్రసాద్ను నియమిస్తున్నట్లు అదే జీవోలో పేర్కొంది. 2026 మార్చి 1వ తేదీ నుంచి ఆయన సీఎస్గా కొనసాగుతారని వివరించింది.
News November 29, 2025
వర్ష బీభత్సం.. శ్రీలంకలో ఎమర్జెన్సీ

భారీ వర్షాలు, వరదల నేపథ్యంలో శ్రీలంక ఎమర్జెన్సీ ప్రకటించింది. ఆదుకోవాలంటూ అంతర్జాతీయ సమాజాన్ని కోరింది. దాదాపు 5 లక్షల మంది ప్రభావితమయ్యారని, వారికి సాయం అందించేందుకు విదేశాల్లో ఉన్న శ్రీలంకన్లు నగదు విరాళాలు ఇవ్వాలని విజ్ఞప్తి చేసింది. దిత్వా తుఫాను బీభత్సంలో శ్రీలంకలో ఇప్పటిదాకా 132 మంది చనిపోగా, 176 మంది గల్లంతయ్యారు. ఇప్పటికే శ్రీలంకకు <<18419792>>భారత్<<>>, అమెరికా తమ వంతు సాయం అందజేసిన విషయం తెలిసిందే.
News November 29, 2025
బుడిబుడి అడుగులు భద్రంగా ఉండాలంటే..

పిల్లలు తప్పటడుగులు వేసేటప్పుడు పడిపోవడం సహజం. అయితే ఇలాంటప్పుడు వారు సేఫ్గా ఉండాలంటే పేరెంట్స్ కొన్ని జాగ్రత్తలు తీసుకోవాలంటున్నారు నిపుణులు. ఈ సమయంలో వారికి పొడవైన డ్రెస్లు వేయకూడదు. పాదాలకు సాక్స్, బయటికి వెళ్తే మెత్తని షూస్ వేయాలి. దెబ్బలు తగలకుండా చేతులకు గ్లౌజ్లు వేయాలి. వాకర్లో ఎక్కువసేపు ఉంచితే నడుమునొప్పి వస్తుంది కాబట్టి తక్కువ సమయమే ఉంచాలి. వారిని ఎప్పటికప్పుడు గమనిస్తూ ఉండాలి.


