News March 29, 2025
అమెరికా సుంకాలు భారత్‌కు మంచిదే: నీతి ఆయోగ్
చైనా, మెక్సికో, కెనడా దేశాలపై వచ్చే నెల 2 నుంచి US విధించనున్న అదనపు సుంకాలు భారత్ మంచికేనని నీతి ఆయోగ్ ప్రోగ్రామ్ డైరెక్టర్ ప్రవాకర్ సాహూ అభిప్రాయపడ్డారు. ‘ప్రాథమికంగా చూస్తే ట్రంప్ ప్రతీకార సుంకాలు భారత్‌ను మరీ ఇబ్బంది పెట్టవు. ఏవో కొన్ని రంగాలు స్వల్పంగా ప్రభావితమవుతాయి. కానీ దీని వల్ల అపారమైన అవకాశాలు కూడా ఉన్నాయి’ అని వివరించారు. US దిగుమతుల్లో 50శాతం చైనా, మెక్సికో, కెనడా నుంచే ఉన్నాయి.
Similar News
News December 1, 2025
PHOTOS: మెస్సీతో మ్యాచ్.. సీఎం రేవంత్ ప్రాక్టీస్
TG: ప్రపంచ ఫుట్‌బాల్ స్టార్ మెస్సీ DEC 13న HYDలో పర్యటించనున్న విషయం తెలిసిందే. అదే రోజు ఉప్పల్ స్టేడియంలో ఫ్రెండ్లీ మ్యాచ్ నిర్వహించనున్నారు. మెస్సీ ప్రత్యర్థి జట్టు RR-9 కెప్టెన్‌గా సీఎం రేవంత్ బరిలోకి దిగనున్నట్లు తెలుస్తోంది. ఇందులో భాగంగా ఆయన ప్రాక్టీస్ మొదలెట్టారు. పగలంతా బిజీ షెడ్యూల్‌తో తీరిక లేకుండా ఉండే సీఎం రాత్రి వేళ ప్రాక్టీస్ చేస్తున్నారు. అందుకు సంబంధించిన ఫొటోలు వైరలవుతున్నాయి.
News December 1, 2025
తుఫాను లేటెస్ట్ అప్‌డేట్
దిత్వా తుఫాను తీవ్ర వాయుగుండంగా బలహీనపడిందని, రేపు ఉదయానికి వాయుగుండంగా బలహీనపడనుందని APSDMA పేర్కొంది. రేపు దక్షిణకోస్తా తీరం వెంబడి గంటకు 45-65 కి.మీ. వేగంతో ఈదురుగాలులు వీచే అవకాశం ఉందని విపత్తుల నిర్వహణ సంస్థ ఎండీ ప్రఖర్ జైన్ తెలిపారు. రేపు నెల్లూరు, తిరుపతి జిల్లాల్లో కొన్నిచోట్ల భారీ నుంచి అతిభారీ వర్షాలకు అవకాశం ఉందని, సముద్రం అలజడిగా ఉంటుందని, మత్స్యకారులు వేటకు వెళ్లరాదని సూచించారు.
News December 1, 2025
ఎల్లో అలర్ట్.. కాసేపట్లో వర్షం
TG: ఇవాళ అర్ధరాత్రి ఒంటి గంటలోపు రాష్ట్రంలో పలు జిల్లాల్లో వర్షం కురిసే ఛాన్స్ ఉందని హైదరాబాద్ వాతావరణ కేంద్రం తెలిపింది. జగిత్యాల, కామారెడ్డి, ఆసిఫాబాద్, మహబూబాబాద్, మంచిర్యాల, మెదక్, ములుగు, నిర్మల్, నిజామాబాద్, సిరిసిల్ల, సంగారెడ్డి, వికారాబాద్, వరంగల్ జిల్లాలకు ఎల్లో అలర్ట్ జారీ చేసింది.