News January 22, 2025
వైస్ ప్రెసిడెంట్‌గా ఉషను ఎంపిక చేయాల్సింది: ట్రంప్
అమెరికా అధ్యక్షుడిగా ట్రంప్ బాధ్యతలు చేపట్టిన సందర్భంలో ఉపాధ్యక్షుడు జేడీ వాన్స్ భార్య, భారత సంతతి మహిళ ఉషపై ప్రశంసలు కురిపించారు. ఆమె చాలా తెలివైందని, ఉపాధ్యక్ష పదవికి ఉషనే ఎంపిక చేయాల్సింది కానీ వారసత్వం సరికాదు కాబట్టి జేడీని తీసుకున్నా’ అని వ్యాఖ్యానించారు. ఇక జేడీ గొప్ప సెనెటర్ అని, అందుకే ఆయనకు ఓహియో బాధ్యతలు అప్పగించినట్లు ట్రంప్ తెలిపారు.
Similar News
News November 29, 2025
వాట్సాప్‌ను నిషేధిస్తాం: రష్యా
మెసేజింగ్ యాప్ వాట్సాప్‌పై నిషేధం విధిస్తామని రష్యా హెచ్చరించింది. తమ చట్టాల ప్రకారం సర్వీసులు లేకుంటే పూర్తిగా బ్యాన్ చేస్తామని స్పష్టం చేసింది. చట్టాలను ఉల్లంఘిస్తోందని, నేరాల కట్టడిలోనూ సహకరించడంలేదని రష్యా స్టేట్ కమ్యూనికేషన్స్ వాచ్‌డాగ్ ‘Roskomnadzor’ ఆరోపించింది. టెర్రరిస్టు దాడులు చేసేందుకు యాప్‌ను దుర్వినియోగం చేస్తున్నారని చెప్పింది. యూజర్లు స్వదేశీ యాప్‌లను ఎంచుకోవాలని పేర్కొంది.
News November 29, 2025
గెలవడంపైనే దృష్టి.. రుతురాజ్‌కు అవకాశాలు: KL రాహుల్
SAతో టెస్ట్ సిరీస్ ఓటమిని మర్చిపోయి ODI సిరీస్ గెలవడంపై దృష్టి పెడతామని టీమ్ ఇండియా కెప్టెన్ KL రాహుల్ అన్నారు. రేపు SAతో తొలి ODI సందర్భంగా ప్రెస్‌తో మాట్లాడారు. ‘రోహిత్, కోహ్లీ ఉండటం వల్ల డ్రెస్సింగ్ రూమ్‌లో కాన్ఫిడెన్స్ పెరుగుతుంది. ఈ సిరీస్‌లో రుతురాజ్‌కు అవకాశం ఇవ్వాలని అనుకుంటున్నాం. పంత్ ఆడితే అతడే కీపర్ బాధ్యతలు తీసుకుంటాడు. స్పిన్‌ను బెటర్‌గా ఆడటంపై దృష్టిపెడుతున్నాం’ అని పేర్కొన్నారు.
News November 29, 2025
శ్రీలంకలో చిక్కుకున్న ఏపీవాసులు.. స్పందించిన మంత్రి లోకేశ్
AP: దిత్వా తుఫాన్‌ కారణంగా భారీ వర్షాలు శ్రీలంకను ముంచెత్తుతున్నాయి. దీంతో పలు విమానాలు రద్దయ్యాయి. ఈ క్రమంలో కువైట్ నుంచి ఇండియాకు వస్తున్న నెల్లూరు(D)కు చెందిన ఏడుగురు ప్రయాణికులు శ్రీలంకలోని కొలంబో ఎయిర్‌పోర్టులో చిక్కుకున్నారు. చెన్నైకి రావాల్సిన విమానం రద్దవడంతో రెండు రోజులుగా తీవ్ర ఇబ్బందులు పడుతున్నారు. వారిని వెంటనే APకి తీసుకొచ్చేందుకు చర్యలు తీసుకుంటున్నట్లు మంత్రి లోకేశ్ తెలిపారు.