News April 29, 2024
త్వరలో ‘వందే మెట్రో’ రైళ్లు
వందే భారత్ రైళ్లకు లభించిన ఆదరణ దృష్ట్యా, త్వరలో నగరాలకు ‘వందే మెట్రో’ రైళ్లను తీసుకురావాలని భారతీయ రైల్వే యోచిస్తోంది. రైల్వే అధికారుల వివరాల ప్రకారం.. ఈ ఏడాది జులై నుంచి ఈ సర్వీసుల్ని ప్రయోగాత్మకంగా రైల్వే పరిశీలించనుంది. వేగంగా వెళ్లడమే కాక అత్యంత వేగంగా ఆగగలగడం వీటి ప్రత్యేకతగా చెబుతున్నారు. కాగా.. ఈ సేవలు ఏ నగరంలో ముందుగా అమలులోకి వస్తాయన్నదానిపై స్పష్టత రావాల్సి ఉంది.
Similar News
News November 29, 2025
విష్ణుమూర్తి కూడా శాపానికి గురయ్యాడని తెలుసా?
చరాచర సృష్టికి అధినాయకుడైన విష్ణుమూర్తి కూడా శాపానికి గురయ్యారు. జలంధరుడు అనే రాక్షసుడికి భార్య బృంద పాతివ్రత్యం కారణంగా మరణం ఉండదు. దీంతో విష్ణుమూర్తి జలంధరుడి రూపం ధరించి, బృందా పాతివ్రత్యాన్ని భంగం చేశారు. ఫలితంగా జలంధరుడు మరణించాడు. కోపించిన బృందాదేవి విష్ణువును తన శాపంతో శిలలా మార్చేసింది. లక్ష్మీదేవి వేడుకోగా శాపాన్ని ఉపసంహరించుకుంది. ఈ వృత్తాంతం నేపాల్‌లోని ముక్తినాథ్ ధామ్‌లో జరిగింది.
News November 29, 2025
వెండే బంగారమాయేనా…
బంగారం కొనలేనివారు వెండితో సరిపెట్టుకునేవారు. కానీ ఇప్పుడు వెండి.. బంగారంతో పోటీపడుతోంది. కేజీ సిల్వర్ రేట్ రూ.2 లక్షల వైపు శరవేగంగా దూసుకెళ్తోంది. కేవలం 5 రోజుల్లోనే రూ.21 వేలు పెరగడం గమనార్హం. HYD బులియన్ మార్కెట్లో ఈ వారం మొదట్లో రూ.1,74,000గా ఉన్న కేజీ సిల్వర్ రేట్ ఇవాళ రూ.1,92,000కు చేరింది. రేట్ల పెరుగుదల పెట్టుబడిదారులకు ఆనందం కలిగిస్తున్నా అవసరానికి కొనాలనుకునేవారికి ఆందోళన కలిగిస్తోంది.
News November 29, 2025
‘దిత్వా’ తుఫాను.. ఈ జిల్లాల్లో భారీ వర్షాలు
AP: ‘దిత్వా’ తుఫాను ప్రభావంతో 3 రోజుల పాటు దక్షిణ కోస్తా, రాయలసీమలోని కొన్ని ప్రాంతాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ పేర్కొంది. నేడు CTR, TPT, ప్రకాశం, NLR, కడప, అన్నమయ్య జిల్లాల్లో మోస్తరు నుంచి భారీ వర్షాలు కురిసే అవకాశం ఉంది. ఆదివారం నెల్లూరు, CTR, TPT, అన్నమయ్య జిల్లాల్లో భారీ వర్షాలు కురుస్తాయని, ఫ్లాష్ ఫ్లడ్స్ ముప్పు ఉందని వాతావరణశాఖ రెడ్ అలర్ట్ జారీ చేసింది.