News September 14, 2024
విరాట్ కోహ్లీ నా సెలబ్రిటీ క్రష్: అనన్య
టీమ్ ఇండియా స్టార్ క్రికెటర్ విరాట్ కోహ్లీ తన సెలబ్రిటీ క్రష్ అని హీరోయిన్ అనన్య పాండే తెలిపారు. కోహ్లీ తన ఫేవరెట్ క్రికెటర్ అని కూడా ఆమె చెప్పారు. ‘కాల్ మీ బే’ ప్రమోషన్లలో ఆమె మాట్లాడారు. ‘కోహ్లీ గ్లోబల్ ఐకాన్. ఆయనలో ఏదో తెలియని శక్తి ఉంది. విరాట్లోని నాయకత్వ లక్షణాలు, జట్టును నడిపించిన తీరు నన్ను ఎంతగానో ఆకట్టుకున్నాయి’ అని ఆమె పేర్కొన్నారు.
Similar News
News January 28, 2026
PHOTOS: వనమంతా జనం.. కిక్కిరిసిన మేడారం
TG: మేడారం మహా జాతర మొదలైంది. ఇవాళ సారలమ్మ, రేపు సమ్మక్క గద్దెలపై కొలువుదీరనున్నారు. లక్షల మంది వన దేవతలను దర్శించుకోవడానికి తరలివస్తున్నారు. భక్తిశ్రద్ధలతో బంగారం సమర్పించి మొక్కులు చెల్లించుకుంటున్నారు. దీంతో మేడారం మొత్తం జనసంద్రంగా మారిపోయింది. రద్దీని దృష్టిలో ఉంచుకొని ప్రభుత్వం భారీ ఏర్పాట్లు చేసింది. మంత్రి సీతక్క జాతర ఏర్పాట్లను పరిశీలించారు.
News January 28, 2026
కెగెల్ వ్యాయామాల గురించి తెలుసా?
వయసు మీద పడటం, గర్భధారణ, ప్రసవం మూలంగా బలహీనమయ్యే కటి కండరాలను తిరిగి బలోపేతం చేసుకోవటానికి కెగెల్ వ్యాయామాలు చేయమని డాక్టర్లు సూచిస్తారు. కూర్చొని కటి కండరాలను పైకి, లోపలి వైపునకు లాగటానికి ప్రయత్నించాలి. వాటిని 5 సెకండ్ల పాటు పట్టి బిగించి, తర్వాత వదిలెయ్యాలి. దీంతో ఒక కెగెల్ వ్యాయామం పూర్తవుతుంది. ఇలా 10 సార్లు చేయాలి. ఇలా ఉదయం, సాయంత్రం 10 సార్ల చొప్పున చేయాలి.
News January 28, 2026
మా క్యాబినెట్ ఉమ్మడి కుటుంబంలా పనిచేస్తోంది: భట్టి
TG: ప్రజాభవన్లో మంత్రుల భేటీపై కొందరు పిచ్చి రాతలు రాస్తున్నారని డిప్యూటీ సీఎం భట్టి ఫైరయ్యారు. సీఎం రేవంత్ దేశంలో లేనందున మున్సిపల్ ఎన్నికలపై తనకు కొన్ని సూచనలు చేశారని తెలిపారు. మంత్రులు వారి సమస్యలు తెలియజేశారని, ఆ విషయాలను CMకు వివరించానని చెప్పారు. తమ క్యాబినెట్ ఉమ్మడి కుటుంబంలా పనిచేస్తోందని స్పష్టం చేశారు. మున్సిపాలిటీల్లోనూ అత్యధిక స్థానాలు గెలుస్తామని మధిరలో ధీమా వ్యక్తం చేశారు.