News November 10, 2024
ఆస్ట్రేలియా బయల్దేరిన విరాట్ కోహ్లీ
టీమ్ ఇండియా స్టార్ క్రికెటర్ విరాట్ కోహ్లీ బోర్డర్-గవాస్కర్ ట్రోఫీ కోసం ఆస్ట్రేలియా బయల్దేరారు. ముంబై ఎయిర్‌పోర్ట్‌లో ఆయన వెళ్తున్న వీడియోలు సోషల్ మీడియాలో వైరల్‌గా మారాయి. కోహ్లీతోపాటు రోహిత్ శర్మ కూడా ఆస్ట్రేలియా వెళ్లినట్లు తెలుస్తోంది. ఈ నెల 22 నుంచి బీజీటీ ప్రారంభం కానుంది.
Similar News
News November 30, 2025
వేంపల్లిలో విషాదం.. గర్భిణీతో పాటు శిశువు మృతి
వేంపల్లిలోని పుల్లయ్య తోటలో విషాదం నెలకొంది. వల్లే భూదేవి (27) అనే గర్భిణీ ఆదివారం మిద్దె పైనుంచి ప్రమాదవశాత్తు జారి కిందపడి మృతి చెందినట్లు కుటుంబ సభ్యులు తెలిపారు. ఇంట్లో ఉన్న పాపను పైకి రమ్మని పిలిచే క్రమంలో అకస్మాత్తుగా కళ్లు తిరిగి కింద పడటంతో మృతి చెందిందన్నారు. స్థానికులు వెంటనే ఆసుపత్రికి తరలించగా.. ఆమెతో పాటు గర్భంలో ఉన్న శిశువు కూడా మృతి చెందింది. విషయం తెలుసుకున్న వారంతా కంటతడిపెట్టారు.
News November 30, 2025
ఇండియన్ల వల్ల అమెరికా లబ్ధి పొందింది: మస్క్
ప్రతిభావంతులైన ఇండియన్ల నుంచి US ఎంతో ప్రయోజనం పొందిందని టెస్లా అధినేత ఎలాన్ మస్క్ అన్నారు. జెరోధా కోఫౌండర్ నిఖిల్ కామత్ పాడ్‌కాస్ట్‌లో ఆయన మాట్లాడారు. విదేశీయులు తమ జాబ్స్ దోచుకుంటున్నారని కొందరు అమెరికన్లు భావించడం ఎంతవరకు నిజమో తనకు తెలియదన్నారు. ‘ప్రతిభావంతుల కొరత ఎప్పుడూ ఉంటుంది. కష్టమైన పనులు చేసేందుకు వాళ్లు ఉండాలి’ అని తెలిపారు. H-1B ప్రోగ్రామ్‌లో కొంత దుర్వినియోగం జరిగిందని చెప్పారు.
News November 30, 2025
ALERT.. రేపు అతిభారీ వర్షాలు
AP: రాష్ట్రంలో రేపు నెల్లూరు, తిరుపతిలో భారీ నుంచి అతిభారీ వర్షాలు కురుస్తాయని APSDMA ఎండీ ప్రఖర్ జైన్ తెలిపారు. కోనసీమ, ప.గో., కృష్ణా, గుంటూరు, బాపట్ల, పల్నాడు, ప్రకాశం, కడప, అన్నమయ్య, చిత్తూరు జిల్లాల్లో మోస్తరు నుంచి భారీ వర్షాలు పడతాయన్నారు. అటు కాకినాడ, తూ.గో., ఏలూరు, NTR, కర్నూలు, నంద్యాల, శ్రీసత్యసాయి, అనంతపురంలో తేలికపాటి నుంచి మోస్తరు వర్షాలు కురిసే ఛాన్స్ ఉంది’ అని పేర్కొన్నారు.