News March 18, 2024
విజయనగరం : కలెక్టరేట్లో ఎన్నికల కంట్రోల్ రూమ్
ఎన్నికల కంట్రోల్ రూమ్ నుంచి పంపవలసిన నివేదికలను ఎప్పటికప్పుడు వేగంగా పంపాలని జిల్లా కలెక్టర్ నాగలక్ష్మి ఆదేశించారు. ఆదివారం కంట్రోల్ రూమ్ను కలెక్టర్ తనిఖీ చేశారు. కంట్రోల్ రూమ్లో ఏర్పాటు చేసిన ఎలెక్ట్రానిక్ అండ్ ప్రింట్ మీడియా, సోషల్ మీడియా సెల్, 24/7 కాల్ సెంటర్, కంప్లైంట్లో మానిటరింగ్ సెల్, రిపోర్ట్ మెనేజ్మెంట్ సిస్టం విభాగాలు ఎలా పని చేస్తున్నాయని వివరాలు అడిగారు.
Similar News
News February 7, 2026
VZM: కోర్టులో ఉద్యోగానికి దరఖాస్తుల ఆహ్వానం
ఎస్.కోటలోని స్పెషల్ జుడీషియల్ సెకండ్ క్లాస్ మెజిస్ట్రేట్ పోస్టు భర్తీకి అర్హులైన అభ్యర్థుల నుంచి దరఖాస్తులు కోరుతూ నోటిఫికేషన్ జారీ చేసినట్లు జిల్లా ప్రధాన న్యాయమూర్తి ఎం.బబిత శనివారం తెలిపారు. మార్చి 5వ తేదీ లోపు దరఖాస్తు చేసుకోవాలని నెలకు రూ.45,000 వేతనంతో పాటు రూ.5వేలు ప్రయాణ భత్యం అందుతుందన్నారు. అర్హతలు, అనర్హతలు, దరఖాస్తు విధానం వివరాలను విజయనగరం జిల్లా కోర్టు కార్యాలయంలో పొందవచ్చన్నారు.
News February 7, 2026
విజయనగరం: జిల్లాలో కొత్తగా 10 బీసీ గురుకుల పాఠశాలలు
ప్రభుత్వం విజయనగరం జిల్లాలో 10 కొత్త బీసీ గురుకుల పాఠశాలలను ఏర్పాటు చేసేందుకు నిర్ణయం తీసుకుందని గురుకుల పాఠశాలల జిల్లా సమన్వయకర్త ఎస్.రూపవతి తెలిపారు. ఈ పాఠశాలలతో సుమారు 3,000 మంది విద్యార్థులకు అదనపు సీట్లు లభించనున్నాయి. ఇవి 2026-27 విద్యా సంవత్సరంలో ప్రారంభమవుతాయన్నారు. వెనుకబడిన వర్గాల విద్యార్థులకు నాణ్యమైన విద్య అందించడానికి ఇవి తోడ్పడతాయన్నారు.
News February 7, 2026
VZM: మార్చి 31లోగా ఉపాధి హామీ పనులు పూర్తి చేయాలి
మహాత్మా గాంధీ జాతీయ గ్రామీణ ఉపాధి హామీ పథకం కింద చేపట్టిన అన్ని పనులు మార్చి 31లోగా పూర్తి చేయాలని పంచాయితీ రాజ్ & గ్రామీణాభివృద్ధి శాఖ కమీషనర్ కృష్ణ తేజ ఆదేశించారు. శుక్రవారం విజయనగరంలోని ఓ ప్రైవేట్ ఫంక్షన్ హాల్లో ఉపాధి హామీ పనులపై కమీషనర్ సమీక్షించారు. తక్కువ పురోగతి ఉన్న గంట్యాడ, వేపాడ, గరివిడి, గజపతినగరం, జామి మండలాలు మార్చి 15లోగా పనులు పూర్తి చేసి బిల్లులు అప్లోడ్ చేయాలని ఆదేశించారు.