News March 21, 2025
VKB: టెన్త్ పరీక్షలు.. ఈసారి కొత్త విధానం

నేటి నుంచి వికారాబాద్ జిల్లా వ్యాప్తంగా పదో తరగతి పరీక్షలు ప్రారంభం కానున్నాయి. జిల్లాలో 69 పరీక్షా కేంద్రాల్లో మొత్తం 12,903 మంది విద్యార్థులు ఎగ్జామ్స్ రాయనున్నారు. ఉ.9.30 గంటలకు పరీక్షలకు ప్రారంభం కానుండగా 5 నిమిషాలు ఆలస్యమైనా అనుమతిస్తామని అధికారులు స్పష్టం చేశారు. తొలిసారిగా 24 పేజీల బుక్ లెట్ ఇవ్వనున్నారు. ఎలాంటి అడిషనల్ పేజీలు ఇవ్వబోమని అధికారులు తెలిపారు. >SHARE IT
Similar News
News November 29, 2025
GNT: వీవీఐపీ మార్గాల్లో ప్రత్యేక భద్రతా తనిఖీలు

గుంటూరు ఎస్పీ వకుల్ జిందాల్ ఆదేశాలతో DSW, SSG బృందాలు ప్రకాశం బ్యారేజ్-సెక్రటేరియట్, లోటస్ పాయింట్-టీడీపీ కార్యాలయం మార్గాల్లో ప్రత్యేక భద్రత తనిఖీలు చేపట్టాయి. అదనపు ఎస్పీ హనుమంతు, SSG డీఎస్పీ రామకృష్ణ పర్యవేక్షణలో క్రిటికల్ పాయింట్లు, కల్వర్టులు, వ్యాపార సముదాయాలు, నిర్మాణ ప్రాంతాలు జాగిలాల సహాయంతో తనిఖీ చేశారు. ముందస్తు భద్రతా చర్యలను మరింత బలోపేతం చేయాలని అధికారులు తెలిపారు.
News November 29, 2025
నెల్లూరు: అరవ కామాక్షి ఏ పార్టీలో ఉందంటే..

కల్లూరుపల్లి హౌసింగ్ బోర్డ్ కాలనీలో నిన్న సీపీఎం కార్యకర్త పెంచలయ్య దారుణ హత్యకు గురయ్యారు. అయితే అతడిని అరవ కామాక్షి చేయించిందని పోలీసులు నిర్ధారించారు. ఆమె కోసం ప్రత్యేక బృందాలతో గాలిస్తున్నారు. ఈ క్రమంలో అరవ కామాక్షి టీడీపీలో ఉందని వైసీపీ ఆరోపిస్తుంటే.. ఎన్నికలకు ముందు ఆమె వైసీపీలోనే ఉందని టీడీపీ నేతలు ఆమె ఫోటోలను సోషల్ మీడియాలో వైరల్ చేస్తున్నారు.
News November 29, 2025
వనపర్తి: ధాన్యాన్ని కల్లాల్లోనే ఆరబెట్టుకోవాలి: అదనపు కలెక్టర్

రైతులు ధాన్యాన్ని రోడ్లపై కాకుండా కల్లాల్లోనే ఆరబెట్టుకోవాలని అదనపు కలెక్టర్ రెవెన్యూ కీమ్యా నాయక్ సూచించారు. ఆత్మకూరు మండలంలోని ధాన్యం కొనుగోలు కేంద్రాలను శనివారం అదనపు కలెక్టర్ (రెవెన్యూ) ఆకస్మికంగా తనిఖీ చేశారు. తేమ శాతం వచ్చిన వెంటనే ధాన్యాన్ని కొనుగోలు చేసి, తక్షణమే ట్యాగ్ చేసిన రైస్ మిల్లులకు తరలించాలని అధికారులను ఆదేశించారు.


