News March 9, 2025
VKB: రేషన్ కార్డ్ దరఖాస్తులపై క్షేత్ర స్థాయిలో పరిశీలన
జిల్లాలో ఉగాది నుంచి కొత్త రేషన్ కార్డుల జారీకి సిద్ధమవుతోన్న తెలంగాణ సర్కార్ మరో కీలక నిర్ణయం తీసుకుంది. మీ సేవా కేంద్రాల ద్వారా స్వీకరించిన దరఖాస్తులపై క్షేత్రస్థాయి విచారణకు ఏర్పాట్లు చేస్తోంది. సివిల్ సప్లై అధికారులు ఇంటింటికీ వెళ్లి దరఖాస్తుదారులను విచారిస్తారు. కాగా కొత్త రేషన్ కార్డులు అందించడానికి ప్రజాపాలన, ప్రజావాణి, గ్రామసభల ద్వారా దరఖాస్తులు ఇంతకు ముందే స్వీకరించింది.
Similar News
News September 18, 2025
ATP: అధికారులతో కలెక్టర్ సమీక్ష
ప్రభుత్వ అధికారులు పనితీరు మెరుగుపరచుకుని సత్ఫలితాలు సాధించాలని కలెక్టర్ ఆనంద్ సూచించారు. గురువారం అనంతపురం కలెక్టరేట్‌లో పరిశ్రమల శాఖ అధికారులతో ఆయన సమీక్షించారు. పరిశ్రమల ఏర్పాటుకు సహకరించాలన్నారు. పరిశ్రమల స్థాపనకు అవసరమైన మౌలిక సదుపాయాలు కల్పించేందుకు చర్యలు చేపట్టాలని దిశానిర్దేశం చేశారు. భారీ పరిశ్రమలకు స్థల సేకరణ పనులను వేగవంతం చేయాలని పేర్కొన్నారు.
News September 18, 2025
ఆదిలాబాద్: అత్యవసరమైతే 8712659953 నంబర్‌కు కాల్ చేయండి!
విద్యార్థులు సోషల్ మీడియాకు దూరంగా ఉండాలని ఆదిలాబాద్ ప్రభుత్వ ఆర్ట్స్& కామర్స్ డిగ్రీ కాలేజీ ప్రిన్సిపల్ డా.బేగం అన్నారు. గురువారం ఆ కాలేజీలో విద్యార్థులకు ఉమెన్ ఎంపవర్‌మెంట్‌పై అవగాహన కల్పించారు. షీటీమ్ ఇన్‌ఛార్జ్ ఎస్ఐ సుశీల మాట్లాడారు. ఇన్‌స్టాగ్రామ్, టెలిగ్రామ్, స్నాప్ చాట్, వాట్సాప్‌ను యువత అవసరం మేరకే వినియోగించాలన్నారు. ఆడపిల్లలలు అత్యవసర సమయాల్లో 8712659953 నంబర్‌కు కాల్ చేయాలని సూచించారు.
News September 18, 2025
GDK: ‘నిజాం రాచరికాన్ని ఓడించింది కమ్యూనిస్టులే’
నిజాం రాచరికాన్ని ఓడించిన చరిత్ర కమ్యూనిస్టులదని CPM రాష్ట్ర కార్యదర్శి వర్గ సభ్యులు నాగయ్య అన్నారు. గోదావరిఖని శ్రామిక భవన్ లో ‘తెలంగాణ రైతాంగ సాయుధ పోరాట చరిత్ర వాస్తవాలు- వక్రీకరణలు’ అనే అంశంపై గురువారం సదస్సు జరిగింది. తెలంగాణ సాయుధ పోరాటం గురించి మాట్లాడే నైతిక హక్కు BJPకి లేదన్నారు. ఎర్రవెల్లి ముత్యం రావు, మెండె శ్రీనివాస్, మహేశ్వరి, కుమారస్వామి, బిక్షపతి, శ్రీనివాస్, రాజమౌళి ఉన్నారు.