News March 15, 2025
VKB: హత్య కేసును ఛేదించిన పోలీసులు
షాబాద్‌లోని శ్రీదుర్గా వైన్స్‌లో జరిగిన హత్య కేసును పోలీసులు ఛేదించారు. పోలీసుల వివరాలు.. వికారాబాద్ జిల్లాకు చెందిన నరేందర్ సీతారాంపూర్‌లో ఉంటున్నాడు. వైన్స్ ప్రహరీ దూకి చోరీకి యత్నించాడు. శబ్దం రావడంతో అక్కడే నిద్రిస్తున్న బిక్షపతి బయటకు వచ్చాడు. దొరికిపోతానని భయపడి రాడ్డుతో భిక్షపతి తలపై మోదగా అతను మృతి చెందాడు. ఈ కేసును 24 గంటల్లో ఛేదించిన పోలీసులు నరేందర్‌ను రిమాండ్‌కు తరలించారు.
Similar News
News November 29, 2025
నల్గొండ: తెలంగాణలో అతి చిన్న పంచాయతీ ఇదే!
నల్గొండ జిల్లా త్రిపురారం(M) బృందావనపురం రాష్ట్రంలోనే చిన్న గ్రామ పంచాయతీగా కొనసాగుతోంది. గతంలో పెద్దదేవులపల్లి GP పరిధిలో 2 వార్డుల్లో ఉన్న బృందావనపురం 1978లో గ్రామ పంచాయతీగా ఏర్పడింది. అప్పట్లో సుమారు 70కి పైగా ఓట్లు ఉండగా ప్రస్తుతం గ్రామంలో 98 మంది ఓటర్లు ఉన్నారు. వీరిలో పురుషులు 42, మహిళలు 56 మంది ఉన్నారు. ఈగ్రామస్థులు చాలా మంది MLG, NLG తదితర పట్టణాల్లో స్థిరపడినా అక్కడే ఓటర్లుగా ఉంటున్నారు.
News November 29, 2025
40 స్కూల్ బస్సుల్లో లోపాలు.. నోటీసులు జారీ
రహదారి భద్రతలో భాగంగా జిల్లాలోని ఆరు విద్యాసంస్థలకు చెందిన 90 బస్సులను తనిఖీ చేసినట్లు జిల్లా రవాణాధికారి(డీటీవో) దేవిశెట్టి శ్రీనివాసరావు తెలిపారు. శనివారం నిర్వహించిన ఈ స్పెషల్ డ్రైవ్‌లో 40 బస్సుల్లో సాంకేతిక లోపాలను గుర్తించామన్నారు. ఆయా బస్సుల ఫిట్‌నెస్‌, అగ్నిమాపక పరికరాలను పరిశీలించి లోపాలను వారం రోజుల్లోగా సరిచేయాలని యాజమాన్యాలకు నోటీసులు జారీ చేసినట్లు వెల్లడించారు.
News November 29, 2025
విష్ణుమూర్తి కూడా శాపానికి గురయ్యాడని తెలుసా?
చరాచర సృష్టికి అధినాయకుడైన విష్ణుమూర్తి కూడా శాపానికి గురయ్యారు. జలంధరుడు అనే రాక్షసుడికి భార్య బృంద పాతివ్రత్యం కారణంగా మరణం ఉండదు. దీంతో విష్ణుమూర్తి జలంధరుడి రూపం ధరించి, బృందా పాతివ్రత్యాన్ని భంగం చేశారు. ఫలితంగా జలంధరుడు మరణించాడు. కోపించిన బృందాదేవి విష్ణువును తన శాపంతో శిలలా మార్చేసింది. లక్ష్మీదేవి వేడుకోగా శాపాన్ని ఉపసంహరించుకుంది. ఈ వృత్తాంతం నేపాల్‌లోని ముక్తినాథ్ ధామ్‌లో జరిగింది.