News September 23, 2025

VKB: ‘పత్తి కొనుగోలు కేంద్రాలను సద్వినియోగం చేసుకోవాలి’

వికారాబాద్ జిల్లాలో పత్తి కొనుగోలు కేంద్రాలను రైతులు సద్వినియోగం చేసుకొని గిట్టుబాటు ధరలు పొందాలని అదనం కలెక్టర్ లింగ్యా నాయక్ తెలిపారు. మంగళవారం జిల్లా కలెక్టరేట్‌లో పత్తి కొనుగోళ్లపై అధికారులు, ట్రేడర్లతో సమావేశం నిర్వహించారు. జిల్లాలో 14 జిన్నింగ్ మిల్లుల నుంచి CCI ద్వారా పత్తి కొనుగోలు జరుగుతుందని చెప్పారు. క్వింటాలుకు గ్రేడ్ 1కు రూ.8,110, గ్రేడ్ 2కు రూ.7,110 ధర నిర్ణయించినట్లు వెల్లడించారు.