News November 29, 2025
VKB: ప్రైవేట్ ఆస్పత్రి సేవలు ఆన్‌లైన్‌లో నమోదు చేయాలి: DMHO
వికారాబాద్ జిల్లాలోని అన్ని ప్రైవేట్ ఆస్పత్రులు అందిస్తున్న వైద్య సేవలను తప్పనిసరిగా ఆన్‌లైన్ పోర్టల్‌లో నమోదు చేయాలని జిల్లా వైద్య ఆరోగ్యశాఖ అధికారి (డీఎంహెచ్‌ఓ) స్వర్ణ కుమారి స్పష్టం చేశారు. శుక్రవారం కలెక్టరేట్ సమావేశ మందిరంలో ప్రైవేట్ ఆస్పత్రుల నిర్వాహకులతో నిర్వహించిన సమావేశంలో ఆమె మాట్లాడారు. ప్రతిరోజు అందిస్తున్న సేవలను ఆన్‌లైన్‌లో నమోదు చేయడం వల్ల పారదర్శకత పెరుగుతుందని ఆమె సూచించారు.
Similar News
News November 30, 2025
రెండవ విడత నామినేషన్లు ఈ మండలాల నుంచే..!
తొలి విడత గ్రామ పంచాయతీ ఎన్నికల నామినేషన్ ప్రక్రియ ముగియడంతో, రెండవ విడత నామినేషన్ల స్వీకరణ నేటి నుంచి ప్రారంభమైంది. రెండవ విడతలో జిల్లాలోని ఏడు మండలాల (అన్నపురెడ్డిపల్లి, అశ్వారావుపేట, చండ్రుగొండ, చుంచుపల్లి, దమ్మపేట, ములకలపల్లి, పాల్వంచ) నుంచి నామినేషన్లు స్వీకరించనున్నారు. కాగా, తొలి విడతలో అశ్వాపురం, చర్ల మండలాల్లోని మూడు వార్డుల నుంచి ఒక్క నామినేషన్ కూడా అందలేదని జిల్లా కలెక్టర్ ప్రకటించారు.
News November 30, 2025
813 సర్పంచ్, 3485 వార్డ్ మెంబర్లు నామినేషన్ దాఖలు
చివరి రోజు నామినేషన్ గడువు ముగిసే సమయానికి తొలి విడతలోని 8 మండలాల నుంచి దాఖలైన సర్పంచ్, వార్డు మెంబర్ నామినేషన్ వివరాలు.
అశ్వాపురం – 132, 553
భద్రాచలం – 11, 98
బూర్గంపాడు – 114, 483
చర్ల – 134, 485
దుమ్ముగూడెం – 153, 648
కరకగూడెం – 67, 278
మణుగూరు – 83, 431
పినపాక – 119, 529
మొత్తం సర్పంచ్ నామినేషన్లు 813, వార్డు మెంబర్ 3485 మంది దాఖలు చేశారని కలెక్టర్ జితేష్ వి పాటిల్ ప్రకటించారు.
News November 30, 2025
HYD: ఏడడుగుల బంధం ఏమైపోతోంది?
ఆలుమగల నడుమ అన్యోన్యం అటకెక్కుతోంది. మూడుముళ్ల బంధం ముక్కలువుతోంది. ఒడిదుడుకులు తట్టుకోవాల్సిన వారు ఒకరిపై ఒకరు కక్షలు పెంచుకుంటున్నారు. జీలకర్ర బెల్లంలా కలిసి ఉండాల్సిన వారు జీవితాలను నాశనం చేసుకుంటున్నారు. బోడుప్పల్‌లో ఆగస్టు 24న గర్భవతైన భార్యను భర్త ముక్కలు చేసి చంపేశాడు. తాజాగా ఇదే ప్రాంతంలో భర్తను కుమారుడు, మేనల్లుడితో కలిసి కడ తేర్చింది ఓ భార్య. వరుస ఘటనలు దంపతుల ప్రేమను దహించేస్తున్నాయి.