News August 13, 2025
VKB: 72 గంటలు అప్రమత్తంగా ఉండాలి: కలెక్టర్
భారీ వర్షాలతో రాబోవు 72 గంటల పాటు అధికారులు అప్రమత్తంగా ఉండి ఎలాంటి ఆస్తి, ప్రాణ నష్టం వాటిల్లకుండా చర్యలు తీసుకోవాలని కలెక్టర్ ప్రతీక్ జైన్ అధికారులకు సూచించారు. వికారాబాద్ జిల్లాలోని అన్ని శాఖల అధికారులు సమన్వయంతో పనిచేస్తూ వాగులు, కాలువలు ఉద్ధృతంగా ప్రవహిస్తున్న చోట పటిష్ట నిఘా ఏర్పాటు చేయాలన్నారు. ఎక్కడైనా అత్యవసర పరిస్థితులు ఉంటే కంట్రోల్ రూమ్‌కు ఫోన్ చేయాలన్నారు.
Similar News
News August 13, 2025
గిరిజన మహిళపై ఎస్సై లైంగిక వేధింపులు.. వీఆర్‌కు ఎస్పీ ఆదేశం
గిరిజన మహిళపై లైంగిక వేధింపుల కేసులో ముదిగుబ్బ(M) పట్నం SI రాజశేఖర్‌‌ను SP రత్న VRకు పంపారు. గరుగుతండాకు చెందిన మహిళ ఓ కేసు విషయంలో SIని సంప్రదించింది. తన కోరక తీరిస్తే న్యాయం చేస్తానని, లేకుంటే ఇబ్బంది పడతావంటూ ఆమెను SI బెదించాడు. రాత్రి సమయంలో వీడియో కాల్స్ చేస్తూ ఇబ్బంది పెట్టేవాడు. ఈ విషయం SPకి చేరడంతో చర్యలకు పూనుకున్నారు. విచారణలో నిజమని తేలితే క్రమశిక్షణా చర్యలు ఉంటాయని తెలిపారు.
News August 13, 2025
భారీ వర్షాలు.. అధికారులను అప్రమత్తం చేసిన బాపట్ల కలెక్టర్
బాపట్ల జిల్లాకు భారీ వర్షాల హెచ్చరికల నేపథ్యంలో అధికార యంత్రాంగం అప్రమత్తం కావాలని కలెక్టర్ వెంకట మురళి ఆదేశించారు. మంగళవారం రాత్రి భారీ వర్షాలపై ఆర్డీవోలతో ఆయన సమావేశం నిర్వహించారు. వర్షాల నేపథ్యంలో రూపొందించిన ప్రణాళికను సమర్థవంతంగా అమలు చేయాలన్నారు. ప్రాణ నష్టం జరగకుండా చర్యలు తీసుకోవాలన్నారు. లోతట్టు ప్రాంతాల ప్రజలను సురక్షిత ప్రాంతాలకు తరలించాలి ఆదేశించారు.
News August 13, 2025
గతంలో ఇబ్బందులు మరొకసారి పునరావృతం కావొద్దు: సీఎం
గత సం. ఖమ్మంలో ఎదురైన ఇబ్బందులు మరొకసారి పునరావృతం కాకుండా చూసుకోవాలని సీఎం రేవంత్ రెడ్డి అధికారులకు సూచించారు. ఖమ్మం కార్పొరేషన్లో డిజాస్టర్ మేనేజ్మెంట్ కోసం ప్రత్యేక అధికారులను నియమించి 24×7 మానిటరింగ్ చేయాలని సీఎం ఆదేశించారు. సిబ్బంది సెలవులు రద్దు చేయాలని, ప్రజలకు నిరంతరాయ విద్యుత్ సరఫరా ఉండేలా చూడాలని చెప్పారు. అటు విద్యా సంస్థలతో చర్చించి సంబంధిత శాఖ అధికారులు తగిన నిర్ణయం తీసుకోవాలన్నారు.