News November 27, 2024
‘తనిఖీలు లేకే సోషల్ మీడియాలో వల్గర్ కంటెంట్’
సోషల్ మీడియాలో ‘వల్గర్ కంటెంట్’ నియంత్రణకు కఠిన చట్టాలు అవసరమని కేంద్రమంత్రి అశ్వినీ వైష్ణవ్ అన్నారు. కంటెంట్ సరైందో కాదో తనిఖీ చేసే ఎడిటోరియల్ బృందాలు ఇప్పుడు కనిపించడం లేదన్నారు. ‘భావవ్యక్తీకరణ స్వేచ్ఛకు సోషల్ మీడియా ఓవైపు బలమైన మాధ్యమంగా మారింది. మరోవైపు నియంత్రణ లేక వల్గర్ కంటెంట్ వస్తోంది. ఇతర దేశాలతో పోలిస్తే మన సంస్కృతి చాలా భిన్నమైంది, సున్నితమైంది. PSCలు దీనిపై చర్చించాలి’ అని అన్నారు.
Similar News
News November 27, 2024
RCB ఫ్యాన్స్, బెంగళూరుతో ప్రేమలో పడిపోయా: ఫాఫ్ డు ప్లెసిస్
RCBతో తన మూడేళ్ల ప్రయాణం పట్ల ఆ జట్టు మాజీ ఆటగాడు ఫాఫ్ డు ప్లెసిస్ ఇన్‌స్టాలో సంతృప్తి వ్యక్తం చేశారు. ‘ఈ జట్టుతో అద్భుతమైన ప్రయాణం ముగిసింది. RCB ఫ్యాన్స్, బెంగళూరు సిటీతో ప్రేమలో పడిపోయాను. ఈ జ్ఞాపకాలు జీవితాంతం నాతో ఉంటాయి. చిన్నస్వామి స్టేడియంలో ఆడటం నా కెరీర్లోనే అత్యంత ఉర్రూతలూగించే అనుభూతి. అందరికీ నా కృతజ్ఞతలు. ఈ ప్రయాణం నాకో గౌరవం’ అని పేర్కొన్నారు. వచ్చే ఏడాది ఫాఫ్ డీసీకి ఆడనున్నారు.
News November 27, 2024
‘కూల్చివేత మనిషి’ అంటూ BJP సెటైర్లు
TG: సీఎం రేవంత్ కూల్చివేతల మనిషి(డెమోలిషన్ మ్యాన్) అంటూ తెలంగాణ BJP సోషల్ మీడియా వేదికగా సెటైర్లు వేసింది. ఆయన వెనుకబడిన, పేద, మధ్యతరగతి వర్గాల ఇళ్లను మాత్రమే కూల్చివేస్తాడని ఆరోపించింది. కాంగ్రెస్ ఉన్నతవర్గం, మిత్రపక్షం BRS, కామన్ ఫ్రెండ్ ఒవైసీ సోదరుల విశాలమైన అక్రమ నిర్మాణాలు, ఫామ్‌హౌస్‌లను తాకబోరంటూ విమర్శలు గుప్పించింది. హైడ్రా, మూసీ కూల్చివేతలను ఉద్దేశించి ఈ పోస్టు చేసింది.
News November 27, 2024
వీడియో లీక్.. స్పందించిన నటి
పాయల్ కపాడియా దర్శకత్వంలో తాను నటించిన ‘ఆల్ వి ఇమేజిన్ యూజ్ లైట్’ మూవీకి సంబంధించిన తన నగ్న సన్నివేశాలు సోషల్ మీడియాలో లీక్ కావడంపై మలయాళ నటి దివ్య ప్రభ స్పందించారు. ‘ఫేమ్, పాపులారిటీ కోసమే ఇలాంటి సీన్లలో నటించానని కొందరు అంటున్నారు. ఈ సినిమా కంటే ముందు నటించిన పలు చిత్రాలకు అవార్డులు అందుకున్నా. పేరు కోసం ఇలాంటి వాటిలో నటించాల్సిన అవసరం నాకు లేదు. కథలు నచ్చితే సినిమాలు చేస్తా’ అని ఆమె చెప్పారు.