News August 13, 2024
VZM: ఈ నెల 16న స్పెషల్ చీఫ్ సెక్రటరీ రాక
స్పెషల్ చీఫ్ సెక్రటరీ ఆర్పీ సిసోడియా ఈ నెల 16న విజయనగరం జిల్లాకు రానున్నారు. ఆగస్టు 15 నుంచి జిల్లా వ్యాప్తంగా రెవెన్యూ సదస్సులు ప్రారంభం కానున్న సంగతి తెలిసిందే. ఈ నేపథ్యంలో 16న సిసోడియా జిల్లాకు విచ్చేసి రోజంతా వివిధ మండలాల్లో పర్యటిస్తారని కలెక్టర్ డాక్టర్ బి.ఆర్ అంబేడ్కర్ తెలిపారు. ఎంపీడీఓలు క్షేత్ర స్థాయిలో పరిశీలించి గ్రామాల్లో పారిశుద్ధ్య పనులపై దృష్టి సారించాలన్నారు.
Similar News
News September 15, 2024
పార్వతీపురంలో వందే భారత్ హాల్ట్కు అరకు ఎంపీ ప్రత్యేక చొరవ
పార్వతీపురంలో వందే భారత్ హాల్ట్ కోసం అరకు MP చెట్టి తనూజా రాణి ప్రత్యేక చొరవ చూపారు. ఈ మేరకు కేంద్ర రైల్వే మంత్రి అశ్విని వైష్ణవ్కు రెండు రోజుల క్రితం మర్యదపూర్వకంగా కలిశారు. ఈ క్రమంలో పార్వతీపురంలో వందే భారత్కు హాల్ట్ కల్పించాలని కోరుతూ వినితిపత్రం అందజేశారు. ఆమె ప్రతిపాదనల మేరకు రైల్వే మంత్రి DRM కార్యాలయానికి ఆదేశాలు జారీ చేశారు. ఫలితంగా పార్వతీపురం ప్రజలు అరకు MPకి ధన్యవాదాలు తెలుపుతున్నారు.
News September 15, 2024
వందే భారత్ ట్రైన్కు పార్వతీపురంలో హాల్ట్
నేటినుంచి ప్రారంభమయ్యే దుర్గ్-విశాఖపట్నం-దుర్గ్ వందే భారత్ రైలుకు పార్వతీపురంలో హాల్ట్ కల్పించారు. ముందుగా ఇచ్చిన షెడ్యూల్ ప్రకారం ఉమ్మడి జిల్లాలో విజయనగరం ఒకటే హాల్ట్ ఇచ్చారు. దీంతో పార్వతీపురం ఎమ్మెల్యే బోనెల విజయచంద్ర విశాఖపట్నం డీఆర్ఎం సౌరవ్ ప్రసాద్, కేంద్ర రైల్వే సహాయ మంత్రికి వినతిపత్రం అందజేశారు. దీంతో జిల్లా కేంద్రమైన పార్వతీపురంలో కూడా హాల్ట్ కల్పించారు.
News September 15, 2024
సరియా జలపాతంలో విజయనగరం యువకుడి గల్లంతు
అనంతగిరి మండలంలోని సరియా జలపాతంలో ఇద్దరు గల్లంతయ్యారు. SI టి.మల్లేశ్వరరావు వివరాల ప్రకారం.. విజయనగరం జిల్లా పైడి భీమవరానికి చెందిన లంకా సాయికుమార్(30) విశాఖలోని దైవక్షేత్రాల సందర్శనకు బయల్దేరారు. ఈక్రమంలో సరియా జలపాతం వద్దకు శనివారం వెళ్లగా.. అక్కడ సాయికుమార్ కాలు జారి నీటిలో పడిపోయాడు. అక్కడే ఉన్న ఇండియన్ నేవీ ఉద్యోగి గమనించి సాయిని కాపాడే ప్రయత్నం చేశాడు. ఈక్రమంలో ఇద్దరూ నీటిలో మునిగిపోయారు.