News January 30, 2025

VZM: జిల్లాలో అమల్లోకి వచ్చిన ఉపాధ్యాయ MLC ఎన్నికల కోడ్

image

జిల్లా వ్యాప్తంగా బుధవారం నుంచి ఎమ్మెల్సీ ఎన్నికల కోడ్ అమల్లోకి వచ్చిందని జిల్లా ఎన్నికల అధికారి అంబేడ్కర్ తెలిపారు. ఫిబ్రవరి 3న పబ్లిక్ నోటీస్ జారీ చేస్తామని, 10న నామినేషన్ వేసేందుకు ఆఖరి తేదీగా తెలిపారు. 11న నామినేషన్ల పరిశీలన చేస్తామని, నామినేషన్ల ఉప సంహారణకు 13 చివరి తేదీ అని చెప్పారు. 27న ఉదయం 8 గంటల నుంచి సాయంత్రం 4 వరుకు పోలింగ్ జరుగుతుందన్నారు. మార్చి 3న ఓట్ల లెక్కింపు ఉంటుందన్నారు.

Similar News

News February 16, 2025

రామతీర్థంలో 26 నుంచి శివరాత్రి జాతర

image

ప్రసిద్ధ పుణ్యక్షేత్రం రామతీర్థంలో ఈ నెల 26వ తేదీ నుంచి మూడురోజుల పాటు శివరాత్రి జాతర మహోత్సవం జరగనుంది. 26, 27 తేదీల్లో భక్తులను దర్శనాలకు అనుమతిస్తారు. శివరాత్రి నాడు లక్షలాది మంది భక్తులు జాగరణ చేస్తారు. 28న వేద పారాయణం అనంతరం స్వామి వారికి పంచామృతాలతో అభిషేకం జరిపిస్తారు. జాతరకు ఉత్తరాంధ్ర నుంచి సుమారు 5 లక్షల మంది భక్తులు విచ్చేస్తారని అధికారులు అంచనా వేస్తున్నారు.

News February 16, 2025

నెల జీతం విరాళంగా ఇచ్చిన విజయనగరం ఎంపీ 

image

తలసేమియాతో బాధపడుతున్న రోగుల చికిత్స నిమిత్తం విజయనగరం ఎంపీ కలిశెట్టి అప్పలనాయుడు తన ఒక నెల జీతాన్ని విరాళంగా ప్రకటించారు. విజయవాడలో తలసేమియా రోగుల కోసం శనివారం జరిగిన ఓ కార్యక్రమంలో ఆయన పాల్గొన్నారు. ప్రతి ఏడాది రోగుల కోసం తన వంతుగా ఒక నెల జీతాన్ని అందజేస్తానని ఎంపీ తెలిపారు. ఈ మొత్తాన్ని ఎన్టీఆర్ ట్రస్టుకు జమచేస్తానని వెల్లడించారు.

News February 16, 2025

వారి లైసెన్సులను రద్దు చేస్తాం: VZM కలెక్టర్

image

ప్రతి ఒక్కరూ రహదారి భద్రతా నియమాలు పాటించాలని, ఇక పై నిబంధనలు పాటించని వారి లైసెన్స్‌ను రద్దు చేస్తామని కలెక్టర్ అంబేడ్కర్ తెలిపారు. కలెక్టరేట్ ఆడిటోరియంలో 36వ జాతీయ రహదారి భద్రతా మాసోత్సవం ముగింపు కార్యక్రమం నిర్వహించారు. వేగం కన్నా సురక్షితంగా చేరడం ముఖ్యమని, ప్రతి వాహన దారుడు తాను సురక్షితంగా ఉంటూ పక్క వారిని కూడా సురక్షితంగా ఉంచాలని అన్నారు.

error: Content is protected !!