News July 20, 2024
టీటీడీలో లోపాలు గుర్తించాం.. సరిచేస్తాం: ఈవో
AP: టీటీడీలో లోపాలను గుర్తించామని వాటిని సరిదిద్దే ప్రయత్నం చేస్తున్నట్లు ఈవో శ్యామలరావు తెలిపారు. భక్తులకు క్యూ లైన్లలో అన్నప్రసాద వితరణలో సమస్యలు, ఉద్యోగుల కొరత, దళారుల మోసాలు, ఓకే ఐడీతో టికెట్ల బుకింగ్, IT వ్యవస్థలో లోపాలున్నట్లు గుర్తించామన్నారు. లడ్డూ, అన్నప్రసాదంలో నాణ్యత పెంచడంపై దృష్టి సారించామని తెలిపారు. వారానికి 1.65 లక్షల సర్వదర్శన టోకెన్లు జారీ చేసేలా ఏర్పాట్లు చేస్తున్నామని చెప్పారు.
Similar News
News November 28, 2025
ఐఐఎం విశాఖలో ఉద్యోగాలు
ఐఐఎం విశాఖపట్నం కాంట్రాక్ట్ ప్రాతిపదికన రీసెర్చ్ అసిస్టెంట్, ఫీల్డ్ ఇన్వెస్టిగేటర్ పోస్టులను భర్తీ చేయనుంది. అర్హతగల అభ్యర్థులు డిసెంబర్ 15 వరకు అప్లై చేసుకోవచ్చు. పోస్టును బట్టి సంబంధిత విభాగంలో పీజీ ఉత్తీర్ణతతో పాటు పని అనుభవం ఉండాలి. రీసెర్చ్ అసిస్టెంట్‌కు నెలకు రూ.30వేలు, ఫీల్డ్ ఇన్వెస్టిగేటర్‌కు రూ.20వేలు చెల్లిస్తారు. వెబ్‌సైట్: https://www.iimv.ac.in
News November 28, 2025
‘ఆంధ్ర కింగ్ తాలూకా’ ఫస్ట్ డే కలెక్షన్లు ఎంతంటే?
రామ్ పోతినేని, భాగ్యశ్రీ బోర్సే నటించిన ‘ఆంధ్ర కింగ్ తాలూకా’కు పాజిటివ్ టాక్ రావడంతో తొలిరోజు మంచి కలెక్షన్లు వచ్చాయి. ప్రపంచవ్యాప్తంగా రూ.7.65 కోట్ల గ్రాస్ కలెక్షన్లు వచ్చినట్లు సినీవర్గాలు వెల్లడించాయి. ఏపీ, తెలంగాణలో రూ.4.35 కోట్లు వసూలు చేసింది. అటు ఓవర్సీస్‌లోనూ ఫస్ట్ డే 2,75,000 డాలర్స్ కలెక్ట్ చేసింది. రేపటి నుంచి వీకెండ్ కావడంతో వసూళ్లు పెరిగే అవకాశం ఉంది. సినిమా ఎలా ఉందో కామెంట్ చేయండి.
News November 28, 2025
U-19 ఆసియా కప్ ఇండియా టీమ్ ఇదే
ACC మెన్స్ U-19 ఆసియా కప్‌కు BCCI స్క్వాడ్‌ను ప్రకటించింది. ఆయుష్ మాత్రేకి కెప్టెన్సీ ఇవ్వగా యువ సంచలనం వైభవ్ సూర్యవంశీకి చోటు దక్కింది. దుబాయ్ వేదికగా DEC 12నుంచి టోర్నీ ప్రారంభం కానుంది. DEC 14న IND-PAK తలపడనున్నాయి.
IND U-19 స్క్వాడ్: ఆయుష్ మాత్రే(C), సూర్యవంశీ, విహాన్(vc), వేదాంత్, అభిజ్ఞాన్, హర్వాన్ష్, యువరాజ్ గోహిల్, కనిష్క్, ఖిలాన్, పుష్పక్, దీపేశ్, హెనిల్ పటేల్, కిషన్, ఉధవ్, ఆరోన్ జార్జ్