News August 21, 2025
NDAకు మద్దతు ఇస్తున్నాం: బొత్స
AP: ఉపరాష్ట్రపతి ఎన్నికల్లో NDA అభ్యర్థికి YCP మద్దతిస్తున్నట్లు ఆ పార్టీ సీనియర్ నేత బొత్స సత్యనారాయణ ప్రకటించారు. నంబర్ గేమ్ ఉండొద్దనే తాము ఈ నిర్ణయం తీసుకున్నామని, పార్టీ పెట్టినప్పటి నుంచి ఇదే విధానం అమలు చేస్తున్నట్లు చెప్పారు. గతంలో రాష్ట్రపతి ఎన్నికల్లో ప్రణబ్ ముఖర్జీకి తాము మద్దతిచ్చినట్లు బొత్స గుర్తుచేశారు. తమది కాంగ్రెస్‌కు వ్యతిరేకంగా ఏర్పడిన పార్టీ అని ఆయన వివరించారు.
Similar News
News August 21, 2025
ఎమ్మెల్యే దగ్గుపాటికి సీఎం హెచ్చరిక
AP: ఇటీవల వరుస వివాదాల్లో చిక్కుకున్న అనంతపురం(U) MLA దగ్గుపాటి వెంకటేశ్వర ప్రసాద్ CM చంద్రబాబుని కలిశారు. తన దృష్టికి వచ్చిన ఫిర్యాదులపై MLA నుంచి CM వివరణ తీసుకున్నారు. పద్ధతి మార్చుకోవాలని, ప్రజలను ఇబ్బంది పెట్టకుండా సమస్యలు పరిష్కరించాలని సూచించారు. TDPలో క్రమశిక్షణ తప్పితే చర్యలు తప్పవని హెచ్చరించారు. అటు <<17432318>>NTRను <<>>తాను దూషించలేదని, ఈ అంశంలో తనను ఇరికించారని MLA సంజాయిషీ ఇచ్చినట్లు సమాచారం.
News August 21, 2025
ఇంటర్ ప్రైవేటుగా రాసే విద్యార్థులకు ALERT
AP: కాలేజీకి వెళ్లకుండా ప్రైవేటుగా 2026లో పరీక్షలకు హాజరయ్యే విద్యార్థులకు ఇంటర్ బోర్డు కీలక సూచన చేసింది. హాజరు నుంచి మినహాయించేలా అనుమతి పొందడానికి AUG 22 నుంచి SEP 26 వరకు దరఖాస్తు చేయాలని సూచించింది. అలాగే సబ్జెక్టుల మినహాయింపు, గ్రూప్ మార్పు కోరుకునే విద్యార్థులు స్థానిక ప్రభుత్వ జూ.కాలేజీల్లో టెన్త్ సర్టిఫికెట్, TCలతో దరఖాస్తు చేసుకోవాలని ప్రకటించింది. ఆ తర్వాతే పరీక్ష ఫీజు చెల్లించాలంది.
News August 21, 2025
భారత్‌తో విరోధం USకి మంచిది కాదు: నిక్కీ హేలీ
భారత్‌ను శత్రువుగా చూడటం ట్రంప్ విదేశాంగ పాలసీ స్ట్రాటజీల్లోనే బిగ్ డిజాస్టర్ అని US మాజీ రాయబారి నిక్కీ హేలీ పేర్కొన్నారు. ‘చైనా తరహాలో భారత్‌ని ప్రత్యర్థిగా కాదు.. మిత్ర దేశంలా చూడాలి. అన్ని విధాలుగా ఆసియా ఖండంలో చైనాకు చెక్ పెట్టగల సామర్థ్యం భారత్‌కే ఉంది. కమ్యూనిస్ట్స్ నియంత్రణలో నడిచే చైనాతో పోలిస్తే.. ప్రజాస్వామ్య దేశమైన భారత్ ఎదుగుదల ప్రపంచానికి ఎలాంటి హానీ చేయదు’ అని వ్యాఖ్యానించారు.