News January 11, 2025
వడ్డే ఓబన్న జయంతిని అధికారికంగా నిర్వహిస్తాం: CM
AP: స్వాతంత్య్ర సమరయోధుడు వడ్డే ఓబన్న చరిత్రను నేటి తరాలకు తెలియజేయాలనే ఉద్దేశంతో ఆయన జయంతిని అధికారికంగా నిర్వహించాలని నిర్ణయించినట్లు CM చంద్రబాబు తెలిపారు. ప్రథమ స్వాతంత్ర్య పోరాటంగా పరిగణించే సిపాయిల తిరుగుబాటుకు(1857) ముందే 1846లో ఉయ్యాలవాడ నరసింహారెడ్డితో కలిసి ఓబన్న ఆంగ్లేయులతో వీరోచితంగా పోరాడారని గుర్తు చేశారు. నేడు ఆయన జయంతి సందర్భంగా ఆ మహనీయుని వీరగాథను స్మరించుకుందామన్నారు.
Similar News
News March 7, 2026
గల్ఫ్ దేశాలకు క్షమాపణలు చెప్పిన ఇరాన్ ప్రెసిడెంట్!
US-ఇజ్రాయెల్తో యుద్ధం నేపథ్యంలో గల్ఫ్ దేశాలపై చేస్తున్న దాడులకు ఇరాన్ అధ్యక్షుడు పెజెష్కియాన్ క్షమాపణలు చెప్పారు. ఇతర దేశాలను ఆక్రమించే ఉద్దేశం తమకు లేదని స్పష్టంచేశారు. తమపై పొరుగు దేశాలు దాడి చేయకపోతే వాటిపై అటాక్ చేయొద్దనే నిర్ణయాన్ని తాత్కాలిక నాయకత్వ మండలి ఆమోదించిందని తెలిపారు. అమెరికాకు లొంగిపోయే ప్రసక్తే లేదని తేల్చిచెప్పారు. దేశ ప్రజలను ఉద్దేశించి ఆయన ప్రసంగించారు.
News March 7, 2026
MEC తర్వాత ఏయే కోర్సులు చేయొచ్చంటే?
<<19311173>>ఇంటర్లో<<>> MEC పూర్తి చేసిన విద్యార్థులకు ఒకప్పుడు ప్రధాన లక్ష్యం ‘CA’ మాత్రమే. కానీ ఇప్పుడు పరిస్థితులు మారాయి. మ్యాథ్స్పై పట్టు ఉండి సాఫ్ట్వేర్ రంగం వైపు వెళ్లాలనుకున్నవారు BCA లేదా Data Analytics కోర్సులను ఎంచుకోవచ్చు. మేనేజ్మెంట్ రంగంపై ఆసక్తి ఉన్నవారు BBA ద్వారా కార్పొరేట్ కంపెనీల్లో స్థిరపడవచ్చు. డిగ్రీలో BA, B.Com, BScలో చేరవచ్చు. LAW, హోటల్ మేనేజ్మెంట్ కూడా చేయొచ్చు. రేపు CEC గురించి..
News March 7, 2026
మీ మద్య నిషేధం హామీ వెనుక అసలు కథ ఇదేనా: లోకేశ్
AP: గత ప్రభుత్వ హయాంలో అక్రమ మద్యం రాష్ట్రంలో వేల కుటుంబాలను నాశనం చేసిందని మంత్రి లోకేశ్ ఆరోపించారు. ‘ప్రతి నెలా ₹100 కోట్ల కిక్బ్యాక్లు, ₹3,500 కోట్ల అక్రమ లావాదేవీలు జరిగాయని ED బయటపెట్టింది. మద్య నిషేధం అమలు చేస్తామన్న హామీ వెనుక అసలు కథ ఇదేనా జగన్? మీ అనుచరుల జేబుల్లో వేల కోట్లు చేరాయని ఆరోపణలు వచ్చాయి. వీటిపై ప్రజలకు సమాధానం చెప్పగలరా? నిశ్శబ్దమే మీ సమాధానమా?’ అని ట్వీట్ చేశారు.