News September 23, 2024
WGL: అండర్-19 జిల్లా జట్టు ఎంపిక..
ఈనెల 26 నుండి వరంగల్ కేంద్రంగా అండర్-19 అంతర్ జిల్లాల క్రికెట్ టోర్నమెంట్ జరగనున్న నేపథ్యంలో జిల్లా జట్టును ఎంపిక చేశారు. సీకేఎం కళాశాల మైదానంలో నిన్న, ఈరోజు ఏర్పాటుచేసిన సెలక్షన్ ప్రాసెస్లో 200 మంది క్రీడాకారులు పాల్గొనగా 18 మందిని జట్టుగా ఎంపిక చేసినట్లు క్రికెటర్ అసోసియేషన్ సభ్యులు తెలిపారు. పోటీల్లో రాణించి జిల్లాకు మంచి పేరు తీసుకురావాలని జట్టు సభ్యులకు సూచించారు.
Similar News
News October 11, 2024
వరంగల్: పండగ వేళ.. జాగ్రత్త!
జిల్లాలో పండగ పూట రోడ్డు ప్రమాదాలు కుటుంబీకులను కంటతడి పెట్టిస్తున్నాయి. రాయపర్తి మండలం కిష్టపురానికి చెందిన <<14329203>>అన్వేశ్(19), రాజు(24)<<>>, చెన్నారావుపేట(M) ఉప్పరపల్లికి చెందిన <<14330918>>గుల్లపల్లి అఖిల్<<>>, వాజేడు మండలం చెరుకూరుకు చెందిన <<14328812>>భూపతి<<>>.. వేర్వేరు రోడ్డు ప్రమాదాల్లో మృత్యువాత పడ్డారు. అతి వేగం, నిర్లక్ష్యపు డ్రైవింగ్ చేసి కుటుంబాలను రోడ్డున పడేయొద్దని పోలీసులు సూచిస్తున్నారు.
News October 11, 2024
WGL: సర్పంచ్ ఎన్నికలు.. గ్రామాల్లో సందడి
WGL,HNK, JN, BHPL, MHBD, MLG జిల్లాల్లో సర్పంచ్ ఎన్నికల సందడి మొదలైంది. ఇప్పటికే అధికారులు ఓటర్ జాబితా పనిలో నిమగ్నమవగా పోటీ చేయాలనుకునేవారు ముందస్తుగా ప్రణాళికలు సిద్ధం చేసుకుంటున్నారు.ఇప్పటికే తాము ఎన్నికల్లో గెలవాలంటే ఎలాంటి మేనిఫెస్టో రెడీ చేయాలనే దానిపై వ్యూహాలు రచిస్తున్నారు. ఇందుకు ప్రత్యేక చర్చలు జరుపుతున్నట్లు సమాచారం. ఇక మరికొందరు తమ గ్రామంలో ఓటర్ల వివరాలు తెలుసుకునే పనిలో నిమగ్నమయ్యారు.
News October 11, 2024
వరంగల్: రోడ్డు ప్రమాదంలో యువకుడి దుర్మరణం
వరంగల్ నగరంలో జరిగిన రోడ్డు ప్రమాదంలో ఓ యువకుడు మృతి చెందాడు. స్థానికులు తెలిపిన వివరాలు.. చెన్నారావుపేట మండలం ఉప్పరపల్లి గ్రామానికి చెందిన గుల్లపల్లి అఖిల్ శుక్రవారం బైకుపై వరంగల్ నుంచి నర్సంపేట వైపు వెళ్తున్నాడు. డీసీఎం ద్విచక్రవాహనాన్ని ఢీకొనగా అఖిల్ అక్కడికక్కడే మృతి చెందాడు. పోలీసులు కేసు నమోదు చేసుకుని దర్యాప్తు చేస్తున్నారు.