News April 10, 2024
WGL: మోడల్ స్కూల్‌లో టీచర్ ఆత్మహత్యాయత్నం
ఓ ఉపాధ్యాయురాలు పాఠశాలలోనే ఆత్మహత్యకు పాల్పడిన ఘటన వరంగల్ జిల్లా ఖానాపురం మండలంలో చోటుచేసుకుంది. బుధరావుపేట ప్రభుత్వ మోడల్ పాఠశాలలో ఈ ఘటన జరిగింది. సైన్స్ టీచర్ హారిక ఆల్ అవుట్(దోమల మందు) తాగి ఆత్మహత్యాయత్నానికి పాల్పడింది. దీంతో హారికను తోటి ఉపాధ్యాయులు నర్సంపేటలోని ప్రభుత్వ ఆసుపత్రికి తరలించారు. పూర్తి వివరాలు తెలియాల్సి ఉంది.
Similar News
News October 29, 2025
WGL: జిల్లాలో 1,554 మి.మీల వర్షపాతం
తుఫాన్ కారణంగా వరంగల్ జిల్లాలో భారీ నుంచి అతి భారీ వర్షాలు కురుస్తున్నాయి. బుధవారం ఉదయం 8.30 గంటల నుంచి మధ్యాహ్నం 3 గంటల వరకు 1,554 మి.మీల వర్షపాతం నమోదైనట్లు వాతావరణ శాఖ అధికారులు తెలిపారు. ఇక జిల్లాలో అత్యధికంగా నెక్కొండ మండలంలో 192 మి.మీల, వర్ధన్నపేట-175, ఖిలా వరంగల్-161, పర్వతగిరి-148, సంగేమ్-146, రాయపర్తి-133, WGL-125, ఖానాపురం-119, గీసుగొండ 105 మి.మీ, మిగతా మండలాల్లో 100 లోపు నమోదైంది.
News October 29, 2025
ప్రజలు అప్రమత్తంగా ఉండాలి: కలెక్టర్
జిల్లాలో భారీ వర్షాలు కురుస్తుండటంతో వాతావరణ శాఖ రెడ్ అలర్ట్ ప్రకటించింది. వరంగల్, హన్మకొండ నగరాల్లో రోడ్లు, కాలనీలు జలమయమై జనజీవనం స్తంభించింది. ప్రజలు, రైతులు అప్రమత్తంగా ఉండాలని జిల్లా కలెక్టర్ డాక్టర్ సత్య శారద సూచించారు. అవసరమైతే తప్ప బయటకు రావొద్దని హెచ్చరించారు. భారీ వర్షాల దృష్ట్యా ప్రభుత్వ, ప్రైవేట్ పాఠశాలలకు సెలవు ప్రకటించారు. అత్యవసర సహాయార్థం జిల్లా కంట్రోల్ రూమ్ ఏర్పాటు చేశారు.
News October 29, 2025
వరంగల్ జిల్లాలో వర్ష బీభత్సం
వరంగల్ జిల్లా మొత్తాన్ని వర్షాలు చుట్టుముట్టాయి. జిల్లాలో కేవలం ఒక్కరోజులో (ఉదయం 8:30 నుండి మధ్యాహ్నం 2:00 గంటల వరకు) 1245.4 మి.మీ. భారీ వర్షపాతం నమోదైంది. అత్యధికంగా వర్ధన్నపేట (143.8 మి.మీ), నెక్కొండ (143.7 మి.మీ), పర్వతగిరి (130.5 మి.మీ), రాయపర్తి (115.3 మి.మీ) మండలాల్లో కురిసినట్లు రికార్డులు చెబుతున్నాయి.