News December 10, 2024
ఐదు రోజుల్లో ‘పుష్ప-2’ కలెక్షన్లు ఎంతంటే?
అల్లు అర్జున్ ‘పుష్ప-2’ థియేటర్లలో కలెక్షన్ల వర్షం కురిపిస్తోంది. మూవీ విడుదలైన ఐదు రోజుల్లోనే ప్రపంచవ్యాప్తంగా రూ.922 కోట్ల గ్రాస్ వసూలు చేసినట్లు చిత్ర యూనిట్ ట్వీట్ చేసింది. భారత సినీ చరిత్రలో ఇది రికార్డ్ అని పేర్కొంది. కాగా తెలుగు రాష్ట్రాల్లో నిన్నటి నుంచి టికెట్ ధరలు తగ్గించిన సంగతి తెలిసిందే.
Similar News
News December 20, 2025
భారీగా పెరిగిన టమాటా ధరలు
తెలుగు రాష్ట్రాల్లో పొగమంచు కారణంగా పంట దెబ్బతినడంతో టమాటా ధరలు భారీగా పెరిగాయి. అన్నమయ్య (D) మదనపల్లె మార్కెట్లో నిన్న ఒకటో రకం టమాటా కిలో రూ.50 పలికింది. ఈ ఏడాది ఇది రెండో అత్యధిక ధర. నవంబరులో గరిష్ఠంగా కేజీ రూ.66కు విక్రయించారు. అటు తెలంగాణలోనూ టమాటా డిమాండ్ పెరిగింది. బహిరంగ మార్కెట్లలో ఏరియాను బట్టి కిలో రూ.50 నుంచి రూ.60 వరకు విక్రయిస్తున్నారు. మీ ఊరిలో కిలో టమాటా ధర ఎంత ఉంది?
News December 20, 2025
మామిడిలో మంచి పూత కోసం ఏం చేయాలి?
మామిడిలో పూమొగ్గలను ఉత్తేజపరిచి త్వరగా పూత తెప్పించడానికి, ఆడపూల శాతం పెంచడానికి లీటరు నీటికి పొటాషియం నైట్రేట్ 10గ్రా., లీటరు నీటికి బోరాన్ 2గ్రా. కలిపి పిచికారీ చేయాలి. పూమొగ్గ దశలో తేనెమంచు పురుగు నివారణకు లీటరు నీటికి క్లోరిపైరిఫాస్ 2.5ml కలిపి పూత మొదలయ్యే సమయం, పిందెలు తయారయ్యే సమయంలో పూత, ఆకులపైనే కాకుండా మొదళ్లపైన, కొమ్మలపైన కూడా పిచికారీ చేయాలని వ్యవసాయ నిపుణులు సూచిస్తున్నారు.
News December 20, 2025
నేటి నుంచి పుష్య మాసం.. ఇలా చేయండి!
పుష్య మాసం పుణ్య మాసం. పుష్యమి నక్షత్రం వల్ల ఈ పేరొచ్చింది. ఈ మాసం శనిదేవునికి ప్రీతికరమైనది. ఆయనను పూజిస్తే కష్టాలు తొలగి శుభాలు కలుగుతాయని నమ్మకం. విష్ణుమూర్తిని తులసీ దళాలతో పూజిస్తే సౌందర్యం, శివుడిని మారేడు దళాలతో అర్చిస్తే ఐశ్వర్యం లభిస్తాయని శాస్త్ర వచనం. ఈ నెలలో చేసే గింజంత దానమైనా అనంత పుణ్యఫలాన్ని ఇస్తుందని అంటారు. నదీ స్నానాలు, సూర్యారాధనతో ఆయురారోగ్యాలు సిద్ధిస్తాయని పండితుల వాక్కు.