News October 13, 2025
ఏ దిక్కున ఏం ఉండాలంటే?
ఇంట్లో అందరూ సుఖశాంతులతో ఉండాలంటే తూర్పు, ఉత్తరం దిక్కులు లోతుగా ఉండాలని వాస్తు నిపుణులు కృష్ణాదిశేషు సూచిస్తున్నారు. ఈశాన్యంలో నీటి గుంట (సంపు, బావి) ఉండాలంటున్నారు. ‘పడమర, దక్షిణం దిక్కులు ఎత్తుగా ఉండాలి. నైరుతిలో ధాన్యపు గాదెలు, ట్యాంకులు, ఎక్కువ బరువుండే నిర్మాణాలు ఉండాలి. వంటగది ఆగ్నేయంలో, బాత్‌రూమ్‌ వాయువ్యంలో ఉండాలి. ఈ ఆరు అమరికలు ఇంటికి బలాన్ని ఇస్తాయి’ అని చెబుతున్నారు. <<-se>>#Vasthu<<>>
Similar News
News October 13, 2025
మరికాసేపట్లో వర్షం
తెలంగాణలో రాబోయే 3 గంటల్లో పలు జిల్లాల్లో వర్షం కురుస్తుందని IMD తెలిపింది. కొత్తగూడెం, జనగాం, ఖమ్మం, మహబూబాబాద్, నాగర్ కర్నూల్, నల్గొండ, సూర్యాపేట, వరంగల్, హనుమకొండలో తేలికపాటి వర్షం కురిసే అవకాశం ఉందని ఎల్లో అలర్ట్ జారీ చేసింది. అటు ఏపీలో ఇవాళ కోస్తాంధ్రతో పాటు ఉమ్మడి ఉభయగోదావరి జిల్లాల్లో వర్షాలు కురిశాయి.
News October 13, 2025
TTD డైరీలు వచ్చేశాయ్! ఎక్కడ కొనుగోలు చేయాలంటే?
2026కు సంబంధించి TTD క్యాలెండర్లు, డైరీలను అందుబాటులోకి తెచ్చింది. భక్తుల సౌకర్యార్థం వీటిని ఆన్‌లైన్‌తో పాటు ఆఫ్‌లైన్‌లోనూ కొనుగోలు చేసే సౌకర్యాన్ని కల్పించింది. ఇవి వైజాగ్, విజయవాడ, రాజమండ్రి, నెల్లూరులోని TTD కళ్యాణ మండపాల్లో అందుబాటులో ఉంటాయి. హైదరాబాద్‌లోని హిమాయత్ నగర్ శ్రీవారి ఆలయంతో పాటు చెన్నై, బెంగళూరు, ఢిల్లీ, ముంబైలోని ఎంపిక చేసిన ఎస్వీ ఆలయాల్లో కూడా కొనుగోలు చేయవచ్చు.
News October 13, 2025
TTD డైరీలు, క్యాలెండర్లను ఆన్‌లైన్‌లో ఎలా కొనుగోలు చేయాలంటే?
తిరుమల తిరుపతి దేవస్థానం 2026 సంవత్సరానికి సంబంధించిన డైరీలు, క్యాలెండర్లను ఆఫ్‌లైన్‌తో పాటు ఆన్‌లైన్‌లోనూ అందుబాటులోకి తెచ్చింది. భక్తులు www.tirumala.org లేదా ttdevasthanams.ap.gov.in వెబ్‌సైట్ల ద్వారా వీటిని కొనుగోలు చేయవచ్చు. ఆన్‌లైన్ బుకింగ్ చేసుకున్న భక్తులకు టీటీడీ తపాలా శాఖ ద్వారా ఇంటి వద్దకే వాటిని చేరవేసే సౌలభ్యాన్ని కల్పించింది. ఈ వెబ్‌సైట్లలోనే సప్తగిరి మ్యాగజైన్ కూడా అందుబాటులో ఉంది.