News July 2, 2024
కోహ్లీతో బాబర్కు పోలికేంటి?: పాక్ మాజీ క్రికెటర్
![image](https://d1uy1wopdv0whp.cloudfront.net/newsimages/news_72024/1719929193535-normal-WIFI.webp)
టీమ్ ఇండియా స్టార్ క్రికెటర్ విరాట్ కోహ్లీతో బాబర్ ఆజమ్కు పోలికేంటని పాక్ మాజీ క్రికెటర్ అహ్మద్ షెహజాద్ ఎద్దేవా చేశారు. ఈ తరంలో విరాట్ ఓ లెజెండ్ అని ఆయన కొనియాడారు. ‘కోహ్లీ ఐసీసీ టోర్నమెంట్లలో అద్భుతంగా రాణిస్తారు. తన ఆఖరి T20 మ్యాచ్లో కూడా చెలరేగారు. టీ20 కెరీర్ను ఆయన అద్భుతంగా ముగించారు. అదీ కోహ్లీ బ్రాండ్. ప్రస్తుత తరంలో విరాట్కు ఎవరూ సాటిరారు’ అని ఆయన స్పష్టం చేశారు.
Similar News
News July 5, 2024
చంద్రబాబు, రేవంత్ భేటీ.. ముహూర్తం ఫిక్స్
![image](https://d1uy1wopdv0whp.cloudfront.net/newsimages/news_72024/1720175636334-normal-WIFI.webp)
తెలుగు రాష్ట్రాల సీఎంలు చంద్రబాబు, రేవంత్ రెడ్డిల భేటీకి ముహూర్తం ఖరారైంది. రేపు సాయంత్రం 4 గంటలకు హైదరాబాద్ ప్రజాభవన్లో ఇరువురు సమావేశం కానున్నారు. విభజన చట్టంలోని పెండింగ్ అంశాలపై చర్చించనున్నారు. 9వ షెడ్యూల్, 10వ షెడ్యూల్లోని సంస్థల పంపిణీ, విద్యుత్ సంస్థలపై ప్రధానంగా చర్చ జరగనుంది.
News July 5, 2024
మా పిల్లలకు కోహ్లీ, రోహిత్ గురించి చెప్తాం: ఫ్యాన్స్
![image](https://d1uy1wopdv0whp.cloudfront.net/newsimages/news_72024/1720167081748-normal-WIFI.webp)
టీ20 వరల్డ్ కప్-2024 గెలవడంలో కీలకంగా వ్యవహరించి T20Iలకు రిటైర్మెంట్ ప్రకటించిన రోహిత్, కోహ్లీ చరిత్రలో నిలిచిపోతారని ఫ్యాన్స్ కొనియాడుతున్నారు. ‘క్రికెట్ గురించి చెప్పాల్సి వచ్చినప్పుడు మా తండ్రులు సచిన్, గంగూలీ గురించి చెప్పేవారు. మేము మా పిల్లలకు లెజెండ్స్ రోహిత్, కోహ్లీల గురించి చెప్తాం’ అని నెటిజన్లు ట్వీట్స్ చేస్తున్నారు. వీరి రిటైర్మెంట్తో ఓ శకం ముగిసిందంటున్నారు. మీరేమంటారు?
News July 5, 2024
చిన్ననాటి కోచ్తో కోహ్లీ.. ఫొటోలు వైరల్
![image](https://d1uy1wopdv0whp.cloudfront.net/newsimages/news_72024/1720164111524-normal-WIFI.webp)
ముంబైలో టీ20 వరల్డ్కప్ సెలబ్రేషన్స్ తర్వాత విరాట్ కోహ్లీ తన చిన్ననాటి కోచ్ రాజ్కుమార్ శర్మను కలిశారు. ఈ సందర్భంగా తీసుకున్న ఫొటోలను రాజ్కుమార్ సోషల్ మీడియాలో పంచుకున్నారు. ‘విరాట్.. నువ్వు ఫస్ట్ ప్రాక్టీస్ సెషన్ నుంచి ఇంత గొప్ప సక్సెస్ సాధించే వరకూ నన్ను గర్వపడేలా చేశావు. నువ్వు ఇలాగే విజయవంతంగా కొనసాగాలి’ అంటూ పోస్ట్ పెట్టారు. ఈ ఫొటోలు నెట్టింట వైరల్ అవుతున్నాయి.