News April 18, 2024
VVPAT అంటే ఏమిటి? ఎలా పనిచేస్తుంది?
VVPAT అంటే ఓటర్ వెరిఫయబుల్ పేపర్ ఆడిట్ ట్రైల్. దీన్ని EVMకు కనెక్ట్ చేస్తారు. EVMలో ఓటేయగానే.. అభ్యర్థి గుర్తు, పార్టీ పేరు మిషన్లోని తెరపై కనిపిస్తాయి. వెంటనే ఆ వివరాలు చిన్నకాగితంలో ప్రింటయ్యి అడుగున ఉన్న ఖాళీ బాక్సులో పడుతుంది. కౌంటింగ్ సమయంలో కొన్ని ప్రాంతాల VVPATలు, EVM ఓట్లను సరిపోల్చుతారు. కాగా మాక్పోల్లో BJPకి ఎక్కువ ఓట్లు పడుతున్నాయని విపక్షాలు <<13076328>>సుప్రీంను<<>> ఆశ్రయించాయి.
<<-se>>#ELECTIONS2024<<>>
Similar News
News February 15, 2026
నిష్కల్మష భక్తికి నిలువుటద్దం ‘భక్త కన్నప్ప’
శ్రీకాళహస్తి అడవుల్లో తిన్నడు అనే బోయవాడు శివుని భక్తుడు. అమాయక భక్తితో శివలింగానికి నోటి నీటితో అభిషేకం చేసి, వేటాడిన మాంసాన్ని నైవేద్యంగా పెట్టేవాడు. అతని భక్తిని లోకానికి చాటాలని శివుడు లింగం కంటి నుంచి రక్తం కార్చాడు. దీంతో తిన్నడు తన కంటిని పెకిలించి దేవునికి అర్పించాడు. రెండో కన్ను కూడా రక్తం కారగా రెండో కంటిని తీయబోతుండగా శివుడు ప్రత్యక్షమై అతడిని ఆపి కన్నప్పగా దీవించి మోక్షం ప్రసాదించాడు.
News February 15, 2026
120 పోస్టులు.. దరఖాస్తుల ఆహ్వానం
BSNL 120 Sr. ఎగ్జిక్యూటివ్ ట్రైనీ పోస్టుల భర్తీకి దరఖాస్తులు కోరుతోంది. టెలికం విభాగంలో 95, ఫైనాన్స్ విభాగంలో 25 పోస్టులు ఉన్నాయి. పోస్టును బట్టి BE/BTech(ఎలక్ట్రానిక్స్ & టెలికమ్యూనికేషన్స్/ఎలక్ట్రానిక్స్/CS/IT/ఎలక్ట్రికల్/ఇన్స్ట్రుమెంటేషన్), CA/CMA అర్హత గల అభ్యర్థులు మార్చి 7 వరకు అప్లై చేసుకోవచ్చు. వయసు 21- 30ఏళ్ల మధ్య ఉండాలి. రాత పరీక్ష ద్వారా ఎంపిక చేస్తారు. సైట్: https://bsnl.co.in/
News February 15, 2026
పశువుల్లో ‘జోన్స్’ వ్యాధి లక్షణాలు – జాగ్రత్తలు
ఈ వ్యాధి సోకిన పశువు చర్మం మొద్దుబారడం, బక్కచిక్కడం, వెంట్రుకలు ఊడటం వంటి లక్షణాలు కనిపిస్తుంటాయి. ఫలితంగా పశువులకు ఆకలి ఉండదు. దీంతో శరీరం అంతా నీరసించి లేవలేని స్థితికి చేరుతుంది. ఈ వ్యాధిని నిర్మూలించాలంటే అంత సులువు కాదు. ఇది దీర్ఘకాలిక ప్రక్రియ. పశువు యొక్క స్థితిని బట్టి సెలైన్స్, మినరల్స్, విటమిన్స్ ఎక్కువ ఉండే ఆహారం అందించాలి. వ్యాధి లక్షణాలు గుర్తించిన వెంటనే పశు వైద్యుడిని సంప్రదించాలి.