News April 25, 2024
జీరో షాడో డే అంటే ఏంటి?
బెంగళూరులో ఇవాళ ‘జీరో షాడో డే’. మధ్యాహ్నం 12.17 నుంచి 12.23 గంటల వరకు 6 నిమిషాల పాటు నీడ మాయం కానుంది. కాగా సూర్యుడు సరిగ్గా మన నెత్తిపై ఉన్నప్పుడు జీరో షాడో ఏర్పడుతుంది. దీని ఫలితంగా మన నీడను చూడలేం. సూర్యుడు +23.5,-23.5 డిగ్రీల అక్షాంశాల మధ్య ఉన్నప్పుడు ఈ వింత జరుగుతుంది. జీరో షాడో డే సంవత్సరంలో రెండుసార్లు సంభవిస్తుందని ఆస్ట్రోనామికల్ సొసైటీ ఆఫ్ ఇండియా తెలిపింది.
Similar News
News January 24, 2026
GNT: సినీ సంగీత పితామహుడు బి.ఎన్.ఆర్ జయంతి
తెలుగు చలనచిత్ర సంగీత దర్శకుల్లో ఆద్యులైన భీమవరపు నరసింహారావు జయంతి నేడు. గుంటూరు జిల్లా కొలకలూరులో 1905 జనవరి 24న ఆయన జన్మించారు. చిన్ననాడే సంగీతంపై మక్కువతో స్వయంగా హార్మోనియం నేర్చుకున్నారు. తెనాలిలోని శ్రీరామ విలాస సభ ద్వారా నాటక రంగానికి పరిచయమయ్యారు. 1936లో ‘సతీ తులసి’ చిత్రంతో సినీ ప్రస్థానం ప్రారంభించి మాలపిల్ల, రైతుబిడ్డ, ద్రౌపదీ వస్త్రాపహరణం, అర్ధాంగి వంటి చిత్రాలకు సంగీతం అందించారు.
News January 24, 2026
పిల్లల ముందు గొడవ పడితే..
ప్రస్తుతకాలంలో ఉమ్మడి కుటుంబాలు తగ్గి చిన్న కుటుంబాలు పెరిగాయి. దీంతో పిల్లలపై ఇంట్లో వాతావరణం తీవ్ర ప్రభావం చూపుతోంది. ముఖ్యంగా కుటుంబంలో ఆర్థిక ఇబ్బందులు, కలహాలు, అక్రమ సంబంధాలు వంటివి ఉంటే ఆ ప్రభావంతో పిల్లలు మానసిక ఆందోళన, ఒత్తిడికి గురవుతారని fcfcoa అధ్యయనంలో వెల్లడైంది. ఇవి వారి జీవన నైపుణ్యాలను దెబ్బతీయడంతో పాటు ఎదిగే వయసులో తప్పటడుగులు వేసేందుకు కారణమవుతున్నట్లు పరిశోధకులు వెల్లడించారు.
News January 24, 2026
బిడ్డను నరబలి ఇచ్చిన తల్లికి ఉరిశిక్ష రద్దు!
TG: 2021లో సూర్యాపేట జిల్లాలో మూఢనమ్మకంతో 7 నెలల పసికందును నరబలి ఇచ్చిన కేసులో హైకోర్టు సంచలన తీర్పునిచ్చింది. నిందితురాలు బానోత్ భారతికి దిగువ కోర్టు విధించిన మరణశిక్షను రద్దు చేసింది. ఘటన సమయంలో భారతి తీవ్రమైన మానసిక అనారోగ్యంతో ఉందని, ఏం చేస్తుందో కూడా తెలియని స్థితిలో ఉన్నందున నేరం వర్తించదని స్పష్టం చేసింది. ఆమెను తక్షణమే మానసిక చికిత్స కేంద్రానికి తరలించాలని ఆదేశించింది.