News March 7, 2025

CT ఫైనల్ రద్దయితే విజేత ఎవరు..?

image

ఆదివారం IND-NZ మధ్య జరిగే CT ఫైనల్‌కు వర్షం ముప్పులేదని వాతావరణ శాఖ ప్రకటించింది. ఒకవేళ అనుకోకుండా వర్షం పడితే ఇరు జట్లు కనీసం 25 ఓవర్లపాటు ఆడితే డక్‌వర్త్ లూయిస్ పద్ధతి ప్రకారం ఫలితం ప్రకటిస్తారు. మ్యాచ్ జరిగే అవకాశం లేకుంటే రిజర్వుడేకు వాయిదా వేస్తారు. అప్పుడూ వరుణుడు కరుణించకపోతే ఇరు జట్లను సంయుక్తంగా విజేతగా ప్రకటిస్తారు. మ్యాచ్ ‘టై’ అయితే ఫలితం తేలే వరకూ సూపర్ ఓవర్లు ఆడాల్సి ఉంటుంది.

Similar News

News November 30, 2025

టెస్టుల్లోకి కోహ్లీ రీఎంట్రీ?

image

టెస్టు క్రికెట్‌లో IND వరుస ఓటముల నేపథ్యంలో BCCI కీలక నిర్ణయం తీసుకున్నట్లు సమాచారం. విరాట్ కోహ్లీ రిటైర్మెంట్ నిర్ణయాన్ని వెనక్కు తీసుకోవాలని కోరే అవకాశం ఉందని Cricbuzz వెల్లడించింది. తన నిర్ణయాన్ని మార్చుకునేందుకు ఓ ఆటగాడు సిద్ధంగా ఉన్నట్లు పేర్కొంది. కాగా కోహ్లీ, రోహిత్, అశ్విన్, పుజారా లాంటి సీనియర్ల రిటైర్మెంట్ తర్వాత టీమ్ దెబ్బతిన్నట్లు విశ్లేషకులు చెబుతున్నారు.

News November 30, 2025

ఏపీలోనూ SIR చేపట్టాలి: ఎంపీ లావు

image

AP: కేంద్ర ఎన్నికల సంఘం చేపడుతున్న ఓటరు జాబితా స్పెషల్ ఇంటెన్సివ్ రివిజన్ (SIR)ను స్వాగతిస్తున్నామని ఎంపీ లావు శ్రీకృష్ణదేవరాయలు అన్నారు. ఏపీలో కూడా SIR చేపట్టాలని ఆయన కోరారు. పార్లమెంట్ శీతాకాల సమావేశాల నేపథ్యంలో ఢిల్లీలో జరిగిన అఖిలపక్ష భేటీకి ఆయన హాజరయ్యారు. ఆక్వా, కాటన్ రైతులు, జీఎస్టీ తదితర ఏడు విషయాలపై చర్చించాలని మీటింగ్‌లో కోరామని మీడియాతో చెప్పారు.

News November 30, 2025

ఇవాళ, రేపు జాగ్రత్త: అనిత

image

AP: దిత్వా తుఫాను దూసుకొస్తున్న నేపథ్యంలో ఇవాళ, రేపు అధికారులు అప్రమత్తంగా ఉండాలని హోంమంత్రి అనిత సూచించారు. తుఫానుపై RTGS సెంటర్ నుంచి నెల్లూరు, తిరుపతి, కడప, చిత్తూరు, అన్నమయ్య జిల్లాల కలెక్టర్లతో ఆమె వీడియో కాన్ఫరెన్స్ నిర్వహించారు. క్షేత్రస్థాయిలో ప్రజలను ఎప్పటికప్పుడు అప్రమత్తం చేయాలని, ప్రాణనష్టం లేకుండా చర్యలు తీసుకోవాలని ఆదేశించారు. విద్యుత్ అంతరాయం కలిగితే వెంటనే పునరుద్ధరించాలన్నారు.