News April 5, 2024
తొలి సెంచరీ కొట్టేదెవరో?
ఐపీఎల్ 2024లో 17 మ్యాచులు ముగిశాయి. ఇప్పటివరకు ఈ సీజన్లో అత్యధిక స్కోరు గిల్ చేసిన 89 పరుగులే. ఇప్పటికీ శతకం నమోదుకాకపోవడంతో మ్యాచులో అసలైన మజా రావట్లేదు. గత సీజన్లో రికార్డు స్థాయిలో 12 సెంచరీలు నమోదయ్యాయి. 9 మంది ప్లేయర్లు సెంచరీలు చేశారు. ఈ సీజన్లో ఇప్పటికైనా శతకాల ఖాతా తెరిచి ఐపీఎల్కు మరింత ఊపు తీసుకొస్తారో లేదో వేచి చూడాలి.
Similar News
News December 8, 2025
భారత్లో విమానయాన సంస్థలకు డిమాండ్: రామ్మోహన్ నాయుడు
భారత్లో విమాన సర్వీసులకు డిమాండ్ పెరుగుతోందని సివిల్ ఏవియేషన్ మినిస్టర్ రామ్మోహన్ నాయుడు అన్నారు. డిమాండ్కు తగినట్టుగా కాంపిటీటర్స్ ఉండాలని, దేశంలో మరో 5 పెద్ద విమాన సంస్థల అవసరం ఉందని చెప్పారు. ఏవియేషన్ మార్కెట్లో పెట్టుబడులు పెట్టేవారికి ప్రభుత్వం సహకారం అందిస్తుందన్నారు. <<18503378>>ఇండిగో సంక్షోభం<<>>పై చర్యలు తీసుకోవడంతోపాటు దానిని ఒక ఉదాహరణగా తీసుకుంటామని చెప్పారు.
News December 8, 2025
డబ్బు విలువ ఎందుకు తగ్గుతుందంటే?
ద్రవ్యోల్బణం వల్ల డబ్బు <<18505684>>విలువ<<>> ఎలా తగ్గుతుందనే డౌట్ చాలామందికి రావొచ్చు. ద్రవ్యోల్బణం అంటే వస్తు, సేవల ధరలు సాధారణంగా పెరగడం. దీని ఫలితంగా డబ్బుకున్న కొనుగోలు శక్తి కాలక్రమేణా తగ్గుతుంది. ఉదా.. 6% ద్రవ్యోల్బణం ఉంటే ఈ రోజు ₹100తో కొన్న వస్తువును భవిష్యత్తులో ₹106 పెట్టి కొనాల్సి వస్తుంది. అంటే మీ దగ్గరున్న డబ్బుతో గతంలో కొన్నంత ఎక్కువ వస్తువులను ఫ్యూచర్లో కొనలేరు. ఇలా డబ్బు విలువ తగ్గుతుంది.
News December 8, 2025
స్కూళ్లకు సెలవులపై ప్రకటన
TG: ఈ నెల 11న తొలి విడత పంచాయతీ ఎన్నికల పోలింగ్ నేపథ్యంలో స్కూళ్లకు రెండు రోజులు సెలవు ఇస్తూ డీఈవోలు ఉత్తర్వులు జారీ చేశారు. పోలింగ్ జరిగే పాఠశాలలకు 10, 11న సెలవు ఉంటుందని పేర్కొన్నారు. 10న పోలింగ్ కేంద్రాల్లో ఏర్పాట్ల దృష్ట్యా, 11న పోలింగ్ ఉండటంతో సెలవులు ఇస్తున్నట్లు వెల్లడించారు. కాగా తొలి విడతలో 4,236 గ్రామాల్లో పోలింగ్ జరగనుండగా ఉపాధ్యాయులు విధుల్లో పాల్గొననున్నారు.