News July 29, 2024

సభకు రానప్పుడు ప్రతిపక్ష నేతగా కేసీఆర్‌ ఎందుకు?: రాజగోపాల్

image

TG: బీఆర్ఎస్ అధినేత కేసీఆర్ సభకు రావాలని కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి అసెంబ్లీలో డిమాండ్ చేశారు. ‘కేసీఆర్ సభకు ఎందుకు రావట్లేదని అడిగితే మాది ఆయనతో మాట్లాడే స్థాయి కాదంటున్నారు. రాకపోతే ఆయనకు ప్రతిపక్ష నేత హోదా ఎందుకు? గత ప్రభుత్వ తప్పొప్పుల్ని ప్రజలకు చెప్పాల్సిన బాధ్యత మాపై ఉంది. విద్యుత్ రంగాన్ని అప్పుల నుంచి బయటికి తీసుకొచ్చేందుకు ప్రయత్నిస్తున్నాం’ అని పేర్కొన్నారు.

Similar News

News November 29, 2025

KMR: సామాజిక తెలంగాణ సాధనే లక్ష్యం: కవిత

image

జాగృతి చీఫ్ కవిత దీక్ష దివస్ సందర్భంగా X వేదికగా ప్రత్యేక పోస్ట్ చేశారు. ఒక యోధుని దీక్ష అమరుల త్యాగం, యావత్ తెలంగాణ జాతికి మేలుకొలుపుగా, ఐక్యతా గీతంగా నిలిచిందని, ఉద్యమ స్ఫూర్తిని నింపిందని పేర్కొన్నారు. ఆ దీక్షే తెలంగాణ ఉద్యమాన్ని విజయపథం వైపు నడిపించిందని, రాష్ట్ర సాధనకు దారి దీపంగా మారిందని కవిత స్పష్టం చేశారు. భౌగోళిక తెలంగాణను సాధించుకున్నామని, తమ తదుపరి లక్ష్యం సామాజిక తెలంగాణ సాధనేనన్నారు.

News November 29, 2025

నాలుగు సార్లు ఎమ్మెల్యే.. ఆ తర్వాత సర్పంచ్

image

TG: పంచాయతీ ఎన్నికల సందడి నెలకొన్న వేళ మాజీ ఎమ్మెల్యే ఉప్పల మల్సూర్ గురించి చర్చ జరుగుతోంది. సూర్యాపేట(D) సిరికొండకు చెందిన ఆయన ఉమ్మడి ఏపీలో నాలుగు సార్లు సూర్యాపేట MLAగా గెలిచారు. అనంతరం 1995లో తన సొంతూరులో సర్పంచ్‌గా ఏకగ్రీవంగా ఎన్నికయ్యారు. గ్రామస్థులంతా కలిసి ఒప్పించి మరీ ఆయనను సర్పంచ్‌ను చేశారు. 4 సార్లు MLAగా చేసిన తర్వాత సర్పంచ్‌గా సేవలందించిన వ్యక్తిగా మల్సూర్ చరిత్రలో నిలిచారు.

News November 29, 2025

ఈ జిల్లాలకు ఫ్లాష్ ఫ్లడ్స్ అలర్ట్

image

AP: శ్రీలంక తీరంలో ఏర్పడిన దిత్వా తుఫాను ఉత్తర వాయవ్య దిశగా కదులుతోంది. రేపు తెల్లవారుజామునకు తీవ్ర వాయుగుండంగా TN, పుదుచ్చేరి, ద.కోస్తా తీరాలకు చేరే అవకాశముంది. దీని ప్రభావంతో ఇవాళ మధ్యాహ్నం నుంచి కోస్తాలో తీరం వెంబడి గంటకు 50కి.మీ. వేగంతో గాలులు వీచే అవకాశముందని వాతావరణ శాఖ పేర్కొంది. రాగల 24 గంటల్లో నెల్లూరు, రాయలసీమలోని కడప, చిత్తూరు జిల్లాల్లో ఫ్లాష్ ఫ్లడ్స్ హెచ్చరికలు జారీ చేశారు.