News August 23, 2024

కేరళ సీఎస్‌గా భర్త తర్వాత భార్య

image

కేరళ అధికార యంత్రాంగంలో ఆసక్తికర ఘటన జరిగింది. అత్యంత కీలకమైన ప్రభుత్వ ప్రధాన కార్యదర్శి(CS) పదవి భార్యాభర్తలిద్దరిని వరిస్తోంది. ప్రస్తుత CS వేణు ఈ నెల 31న పదవీ విరమణ చేయనున్నారు. ఆ తర్వాతి రోజే ఆయన భార్య, స్థానిక స్వపరిపాలన శాఖ అదనపు చీఫ్ సెక్రటరీ శారదా మురళీధరన్ CSగా బాధ్యతలు చేపట్టనున్నారు. IAS దంపతులు CSగా నియమితులు కావడం రాష్ట్ర చరిత్రలో ఇదే తొలిసారి. ఇద్దరూ 1990 IAS బ్యాచ్‌కు చెందిన వారే.

Similar News

News November 29, 2025

ఆపరేషన్ సిందూర్ దెబ్బ.. టెర్రర్ లాంచ్‌ప్యాడ్స్ తరలించిన పాక్!

image

ఆపరేషన్ సిందూర్ తర్వాత పాకిస్థాన్ తమ టెర్రర్ లాంచ్‌ప్యాడ్స్‌ను లోపలి ప్రాంతాలకు తరలించిందని BSF తెలిపింది. ప్రభుత్వం Op Sindoorను తిరిగి ప్రారంభించాలనుకుంటే శత్రువుకు భారీ నష్టం కలిగించేందుకు రెడీగా ఉన్నామని చెప్పింది. ‘Op Sindoor సమయంలో చాలా లాంచ్‌ప్యాడ్స్‌ను నాశనం చేశాం. దీంతో పాక్ మిగతా వాటిని తరలించింది. 12 స్థావరాలు సియాల్కోట్, జాఫర్‌వాల్, మరో 60 ఇతర ఏరియాలకు వెళ్లిపోయాయి’ అని పేర్కొంది.

News November 29, 2025

ఎస్ఐ జాబ్ వదిలి సర్పంచ్‌గా పోటీ

image

TG: సర్పంచ్ ఎన్నికల్లో పోటీ చేసేందుకు సూర్యాపేట జిల్లా కోదాడ టౌన్ ఎస్ఐ పులి వెంకటేశ్వర్లు ఉద్యోగానికి రాజీనామా చేశారు. మరో 5 నెలల సర్వీస్ ఉండగానే వీఆర్ఎస్ తీసుకున్నారు. గుడిబండ గ్రామ సర్పంచ్ పదవికి ఆయన పోటీ చేయనున్నారు. ‘పుట్టిన ఊరికి సేవ చేయడమే నా ధ్యేయం’ అని ఆయన చెప్పారు. కాగా ఇవాళ్టితో తొలి విడత గ్రామపంచాయతీ ఎన్నికలకు నామినేషన్ల ప్రక్రియ ముగిసిన విషయం తెలిసిందే.

News November 29, 2025

సినిమా అప్డేట్స్

image

* బాలీవుడ్ స్టంట్ మాస్టర్ షామ్ కౌశల్ సారథ్యంలో ‘పెద్ది’ సినిమాలో ఓ భారీ యాక్షన్ సీక్వెన్స్ రూపొందుతున్నట్లు తెలుస్తోంది. ఇందులో రామ్ చరణ్‌, శివరాజ్ కుమార్ పాల్గొంటారని సమాచారం.
* సందీప్‌-ప్రభాస్ కాంబోలో తెరకెక్కుతున్న స్పిరిట్ మూవీలో సీనియర్ హీరోయిన్ కాజోల్ నటిస్తున్నట్లు టాక్.
* నిఖిల్ ‘స్వయంభు’ సినిమా ఓవర్సీస్ హక్కులు ₹7కోట్లు పలికినట్లు సినీ వర్గాలు వెల్లడించాయి. ఇది ఆయన కెరీర్‌లోనే అత్యధికం.