News March 17, 2025

బట్టతలపై భార్య హేళన.. భర్త బలవన్మరణం

image

కర్ణాటకలోని చామరాజనగర ప్రాంతానికి చెందిన పరాశివమూర్తి, మమత భార్యాభర్తలు. పెళ్లినాటికే బట్టతల ఉన్నప్పటికీ మమత అతడిని వివాహం చేసుకుంది. కానీ పెళ్లయ్యాక మాత్రం ‘నీతో బయటికి వెళ్లాలంటే అవమానంగా ఉంటోంది. తలపై జుట్టూ లేదు చేతిలో డబ్బూ లేదు’ అంటూ నరకం చూపించేది. వరకట్నం కేసు పెట్టి అతడిని నెలన్నరపాటు జైలుకు పంపించింది. తాజాగా బెయిల్‌పై బయటికొచ్చిన మూర్తి, ఆ బాధల్ని తట్టుకోలేక తనువు చాలించాడు.

Similar News

News November 30, 2025

పామును చంపిన తర్వాత తలను ఎందుకు నలగగొడతారు?

image

పామును చంపాక దాని తలను నలగగొడుతుంటారు. ఎందుకని అడిగితే.. పాము కళ్లు హంతకుడిని గుర్తుంచుకుని, మరో జన్మలో పగ తీర్చుకుంటాయని చెబుతారు. కానీ, ఇది నిజం కాదు. దీని వెనుక ఓ శాస్త్రం ఉంది. పాము చనిపోయిన తర్వాత కూడా దాని తల కదలగలదు. దాడి చేయగలదు. అది కాటేస్తే మన ప్రాణాలు కూడా పోవచ్చు. అలాంటి ప్రమాదాలు జరగకుండా నివారించడానికి, దాని తలను పూర్తిగా నలగగొట్టాలని మన పెద్దలు సూచించారు.

News November 30, 2025

రోహిత్ శర్మ సిక్సర్ల రికార్డు

image

దక్షిణాఫ్రికాతో మ్యాచులో రోహిత్ శర్మ రికార్డు సృష్టించారు. ఈ మ్యాచులో ఇప్పటికే మూడు సిక్సర్లు బాదిన ఆయన వన్డేల్లో అత్యధిక సిక్సర్లు(352-269Inns) బాదిన ప్లేయర్‌గా రికార్డులకెక్కారు. ఆ తర్వాతి స్థానాల్లో పాక్ మాజీ ప్లేయర్ అఫ్రీది(351-369Inns), వెస్టిండీస్ దిగ్గజ బ్యాటర్ గేల్(331-294Inns) ఉన్నారు.

News November 30, 2025

థైరాయిడ్ పేషెంట్లకు ఆర్థరైటిస్‌ ముప్పు

image

థైరాయిడ్ పేషెంట్లు, గతంలో అబార్షన్ అయిన మహిళలకు ఆర్థరైటిస్‌ ముప్పు ఎక్కువని నిపుణులు చెబుతున్నారు. ఆకలి తగ్గడం, జ్వరం, నీరసం, బరువు తగ్గడం వంటి లక్షణాలు కనిపిస్తాయి. ప్రధానంగా కీళ్లలో నొప్పి, వాపు, ఎర్రగా అవడం, కదలిక తగ్గడం, ఇతర అవయవాలపై ప్రభావం చూపించడం జరుగుతుంది. దీనిని నయం చేయలేము గానీ మంచి ఆహారం, వ్యాయామం, మందుల ద్వారా తీవ్రతను తగ్గించుకోవచ్చని నిపుణులు చెబుతున్నారు.