News November 7, 2024
రేషన్ కార్డులు తొలగిస్తారా?.. డిప్యూటీ సీఎం స్పందన
TG: రేషన్‌కార్డులు, ఇతర ప్రభుత్వ పథకాల లబ్ధిదారులను తొలగించేందుకే ప్రభుత్వం కులగణన సర్వే చేపట్టిందన్న ప్రచారాన్ని డిప్యూటీ సీఎం భట్టి ఖండించారు. ‘సర్వే ఆధారంగా పాలన, ప్రణాళిక రూపకల్పన, బీసీ రిజర్వేషన్ల పెంపుపై నిర్ణయాలు ఉంటాయి. సర్వే పూర్తయ్యాక సామాజిక వర్గాల వారీగా ప్రజల స్థితిగతులపై వివరాలను బహిర్గతం చేస్తాం. మేధావులు, అన్నివర్గాల అభిప్రాయాలతో కులగణన ప్రశ్నలు రూపొందించాం’ అని వెల్లడించారు.
Similar News
News November 30, 2025
అల్లూరి: ‘లక్ష ఎకరాల్లో కాఫీ తోటల అభివృద్ధికి చర్యలు’
ఏజెన్సీలో వచ్చే ఏడాది నుంచి లక్ష ఎకరాల్లో కాఫీ తోటల అభివృద్ధికి చర్యలు చేపడతామని కలెక్టర్ ఏఎస్ దినేశ్ కుమార్ శనివారం తెలిపారు. ప్రభుత్వం రూ.202కోట్లు మంజూరు చేసిందని తెలిపారు. కాఫీకి నీడనిచ్చే మొక్కల పెంపకాన్ని ఈ ఏడాది నుంచే మొదలు పెట్టామన్నారు. ఇప్పటికే 30,500ఎకరాల్లో నీడనిచ్చే మొక్కలను నాటించామన్నారు. కాఫీ తోటలకు నీడనిచ్చే మొక్కల ద్వారా,గిరిజన రైతులకు ఆదాయం వచ్చేలా పండ్ల మొక్కలను అందజేశామన్నారు.
News November 30, 2025
వయ్యారిభామతో వ్యవసాయానికి పెనుముప్పు
పార్థీనియం(వయ్యారిభామ) అత్యంత ప్రమాదకరమైన కలుపు మొక్క. ఇది అతి వేగంగా వ్యాపించి పొలాలను నిర్వీర్యం చేస్తుంది. దీని వల్ల పంట పొలాల్లో 40 శాతం దిగుబడి, పశుగ్రాసాల్లో 90 శాతం దిగుబడి తగ్గుతుంది. ఎరువుల సారాన్ని ఇవి పీల్చేసి పంటకు తీవ్ర నష్టం చేస్తాయి. కొన్ని వైరస్‌లకు ఆశ్రయమిచ్చి పంటల్లో వైరస్ తెగుళ్ల వ్యాప్తికి కారణమవుతాయి. వయ్యారిభామను ఎలా నిర్మూలించాలో తెలుసుకోవడానికి <<-se_10015>>పాడిపంట<<>> క్లిక్ చేయండి.
News November 30, 2025
AP న్యూస్ రౌండప్
* తిరుపతి(D) గూడూరును నెల్లూరులో కలపాలని ఎమ్మెల్యే సోమిరెడ్డి చంద్రమోహన్ మంత్రివర్గ సంఘానికి లేఖ రాశారు.
* తిరుమలలో డిసెంబర్ 17 నుంచి జనవరి 14 వరకు తిరుప్పావై నిర్వహణ. ఆ రోజుల్లో సుప్రభాత సేవ రద్దు: TTD
* చేనేత, గిరిజన ఉత్పత్తులన్నీ ఒకే చోట లభించేలా దేశంలోని 5 ప్రధాన నగరాల్లో ఎగ్జిబిషన్లు ఏర్పాటు చేస్తాం. డిసెంబర్ 20 నుంచి జనవరి 10 వరకు 22 రోజులపాటు ఎగ్జిబిషన్లు ఉంటాయి: మంత్రి సవిత