News March 18, 2024
కోవూరులో 62 ఏళ్ల రికార్డ్ బ్రేక్ అవుతుందా?
నెల్లూరు జిల్లాలోని కోవూరు అసెంబ్లీ స్థానానికి 1962 నుంచి ఎన్నికలు జరుగుతున్నాయి. ఇప్పటి వరకు ఒక్క మహిళ కూడా ఇక్కడి నుంచి ఎమ్మెల్యేగా ఎన్నిక కాలేదు. అత్యధికంగా నల్లపరెడ్డి కుటుంబ సభ్యులే ఇక్కడ గెలిచారు. తాజా ఎన్నికల్లో ఇక్కడ టీడీపీ అభ్యర్థిగా వేమిరెడ్డి ప్రశాంతిరెడ్డి, వైసీపీ అభ్యర్థిగా ప్రసన్న కుమార్ రెడ్డి బరిలో ఉన్నారు. ప్రశాంతి రెడ్డి 62 ఏళ్ల రికార్డును బద్దలు కొడుతుందేమో చూడాలి మరి..
Similar News
News January 30, 2026
నెల్లూరులో దారుణం
దారి చూపి అండగా ఉండాల్సిన కన్న తండ్రి కామాంధుడై కూతురుపై లైంగిక దాడికి పాల్పడుతున్న ఘటన నెల్లూరులో కలకలం రేపింది. నగరానికి చెందిన ఓ దంపతులకు ఆరేళ్ల కుమార్తె ఉంది. ఆమె ఆలనా పాలన చూసుకోవాల్సిన తండ్రి కూతురుపై కన్నేసి కొన్ని రోజులుగా లైంగిక దాడికి పాల్పడుతున్నాడు. గమనించిన తల్లి భర్తపై సంతపేట పోలీసులకు ఫిర్యాదు చేసింది. పోలీసులు కేసు నమోదు చేసి దర్యాప్తు చేస్తున్నారు.
News January 30, 2026
నెల్లూరు: ఇద్దరికి పదేళ్ల జైలుశిక్ష
సూళ్లూరుపేట మండలం మన్నారుపోలూరు హైవే క్రాస్ రోడ్డు వద్ద 2018 సెప్టెంబర్ 10న పోలీసులు తనిఖీలు చేస్తుండగా 200KGల గంజాయి పట్టుబడింది. తమిళనాడు(ST) సేలం జిల్లా పెదనాయకంపాళేనికి చెందిన మహదేవన్, వెంకటేశ్ను అరెస్ట్ చేశారు. నేరం రుజువు కావడంతో 10ఏళ్ల జైలు శిక్ష, రూ.లక్ష చొప్పున ఇద్దరికి జరిమానాను విధిస్తూ నెల్లూరు ఫస్ట్ ఆడిషనల్ డిస్ట్రిక్ట్ అండ్ సెషన్స్ కోర్టు న్యాయమూర్తి గీత గురువారం తీర్పు చెప్పారు.
News January 30, 2026
తిరుమల లడ్డూ ఘటనలో నిజమే గెలిచింది: కాకాణి
తిరుమల లడ్డు ప్రసాదంపై ఇటీవల జరిగిన అసత్య ప్రచారాలు, ఆధారరహిత ఆరోపణలు పూర్తిగా అబద్ధమని సీబీఐ నివేదికతో స్పష్టమైందని మాజీ మంత్రి కాకాని గోవర్ధన్ రెడ్డి తెలిపారు. ఈ సందర్భంగా నిజమే గెలిచిందని పేర్కొన్నారు. గురువారం ఆయన నగరంలోని మాగుంట లే అవుట్లోని శ్రీ వెంకటేశ్వర స్వామి దేవస్థానంలో నాయకులు, భక్తులతో కలిసి ప్రత్యేక పూజలు నిర్వహించారు.