News July 20, 2024
‘భారతీయుడు-3’ సినిమా ఆగిపోనుందా?
‘భారతీయుడు-3’ గతంలో ప్రకటించినట్లుగానే 2025లో రిలీజ్ అవుతుందని డైరెక్టర్ శంకర్ సన్నిహిత వర్గాలు తెలిపాయి. ‘భారతీయుడు-2’కి నెగెటివ్ టాక్ రావడంతో మూడో పార్ట్ పనులు ఆగిపోనున్నాయని వస్తున్న వార్తల్లో నిజం లేదని స్పష్టం చేశాయి. ఇప్పటికే షూటింగ్ పూర్తయిందని, పోస్ట్ ప్రొడక్షన్ వర్క్ మాత్రమే పెండింగ్ ఉన్నట్లు వెల్లడించాయి. సెకండ్ పార్ట్ కంటే తనకు థర్డ్ పార్ట్ బాగా నచ్చిందని కమల్ చెప్పిన సంగతి తెలిసిందే.
Similar News
News March 3, 2026
APPLY NOW: SPMCILలో ఉద్యోగాలు
సెక్యూరిటీ ప్రింటింగ్ అండ్ మింటింగ్ కార్పొరేషన్ ఆఫ్ ఇండియా లిమిటెడ్ (SPMCIL) 3 సైబర్ సెక్యూరిటీ ఎక్స్పర్ట్ పోస్టులను భర్తీ చేయనుంది. అర్హతగల వారు మార్చి 6 వరకు అప్లై చేసుకోవచ్చు. పోస్టును బట్టి BE/BTech ఉత్తీర్ణతతో పాటు పని అనుభవం ఉండాలి. అభ్యర్థుల గరిష్ఠ వయసు 35 ఏళ్లు. నెలకు రూ.50వేలు చెల్లిస్తారు. ఇంటర్వ్యూ ద్వారా ఎంపిక చేస్తారు. వెబ్సైట్: https://www.spmcil.com
News March 3, 2026
హైదరాబాద్లో ‘ఖొమేనీ’ రోడ్డు ఉందా?
ఇరాన్ సుప్రీంలీడర్ అలీ ఖమేనీ మృతితో ఆయన పేరు మార్మోగుతోంది. HYDలోనూ ‘ఖొమేనీ’ పేరిట రోడ్డు ఉందనే విషయం తెరపైకి వచ్చింది. బంజారాహిల్స్ రోడ్ నం.7ను ‘ఇమామ్ ఖొమేనీ రోడ్’ అని పిలుస్తారు. కానీ ఇది అలీ ఖమేనీ పేరిట పెట్టింది కాదు. ఇరాన్ తొలి సుప్రీం లీడర్ జ్ఞాపకార్థం పెట్టారు. ఇదే ప్రాంతంలో ఇరాన్ కాన్సులేట్ ఉండటం, కుతుబ్ షాహీల కాలంలో ఇరాన్తో సంబంధాల నేపథ్యంలో ఈ పేరు పెట్టినట్లు సమాచారం.
News March 3, 2026
‘హార్ముజ్’ బంద్.. మనకు ఆయిల్ ఎలా..?
హార్ముజ్ జలసంధిని ఇరాన్ <<19288027>>మూసేయడం<<>> తెలిసిందే. దీంతో దిగుమతులకు అంతరాయం కలిగితే మనపై పడే ప్రభావం గురించి చర్చ జరుగుతోంది. ఇండియా రోజూ 5 మిలియన్ బ్యారెల్స్ చమురు దిగుమతి చేసుకుంటుండగా, ఈ జలసంధి గుండా 2.5MB వస్తోంది. ప్రస్తుతం మన వద్ద 40-45 రోజులకు సరిపడా స్టాక్ ఉన్నట్లు ‘Kpler’ చెప్పింది. స్టోరేజీ ట్యాంకులు, రిజర్వులు, దేశం వైపు వచ్చే నౌకల్లో 100 మిలియన్ బ్యారెల్స్ క్రూడ్ నిల్వ ఉన్నట్లు తెలిపింది.