News January 28, 2025
ఈ సమ్మర్కి తీవ్రస్థాయిలో విద్యుత్ డిమాండ్?
AP: ఈ ఏడాది వేసవి కాలం అత్యంత వేడిగా ఉంటుందనే వాతావరణ శాఖ అంచనాల మేరకు విద్యుత్ వినియోగం కూడా తీవ్రస్థాయిలో ఉంటుందని రాష్ట్ర ప్రభుత్వం భావిస్తోంది. ఈ నేపథ్యంలో కరెంట్ ఉత్పత్తిని పెంచాలని జెన్కోను ఆదేశించింది. ఈసారి పీక్ డిమాండ్ 13,700 మిలియన్ యూనిట్లకు చేరే అవకాశం ఉందని అంచనా. ఈ నేపథ్యంలో దానికి తగ్గట్టుగా విద్యుదుత్పత్తి కోసం ముందే సన్నద్ధమవ్వాలని విద్యుత్ శాఖకు ప్రభుత్వం స్పష్టం చేసింది.
Similar News
News December 7, 2025
వంటింటి చిట్కాలు
* పనీర్ ఎక్కువ రోజులు తాజాగా ఉండాలంటే బ్లాటింగ్ పేపర్లో పెట్టి ఫ్రిజ్లో పెట్టండి.
* ఇంట్లో తయారు చేసిన స్వీట్స్లో షుగర్ మరీ ఎక్కువైతే.. కాస్త నిమ్మరసం కలపండి. కాస్త తీపి తగ్గుతుంది. అలాగే వెనిగర్ కూడా వాడొచ్చు.
* వంట చేసినప్పుడు చేతులు కాలితే బంగాళదుంపతో రుద్దితే మంట తగ్గుతుంది.
* కరివేపాకు పొడి చేసేటప్పుడు అందులో వేయించిన నువ్వుల పొడి వేస్తే మరింత రుచిగా ఉంటుంది.
News December 7, 2025
అఫీషియల్.. మాజీ ప్రధాని ప్రేమాయణం
అమెరికన్ పాప్ సింగర్ కేటీ పెర్రీ, కెనడా మాజీ ప్రధాని జస్టిన్ ట్రూడోతో తన ప్రేమ బంధాన్ని అధికారికంగా ప్రకటించారు. జపాన్ పర్యటనలో దిగిన సెల్ఫీని Instaలో షేర్ చేశారు. ఫ్రాన్స్లో అక్టోబర్ 25న పెర్రీ పుట్టినరోజు వేడుకల్లో వీరిద్దరూ తొలిసారి పబ్లిక్లో కనిపించారు. కాగా 53 ఏళ్ల ట్రూడోకి ముగ్గురు పిల్లలు ఉన్నారు. 2023లో భార్య నుంచి విడిపోయారు. పెర్రీకి 2010లో పెళ్లి కాగా 2012 నుంచి విడిగా ఉంటున్నారు.
News December 7, 2025
కోర్ సబ్జెక్ట్ లేదని అనర్హులుగా ప్రకటించలేం: సుప్రీం
అభ్యర్థి PGలో కోర్ సబ్జెక్ట్ లేదని అతడిని అనర్హుడిగా ప్రకటించలేమని సుప్రీంకోర్టు వ్యాఖ్యానించింది. 2013లో మానిటరింగ్, ఎవాల్యుయేషన్ కన్సల్టెంట్గా ఓ అభ్యర్థి(M.Com) ఎంపికయ్యారు. కానీ స్టాటిస్టిక్స్లో PG లేదని అతడిని ప్రభుత్వం తొలగించింది. దీంతో బాధితుడు SCని ఆశ్రయించారు. జాబ్కు కావాల్సిన ప్రధాన సబ్జెక్టు అభ్యర్థి చదివాడని, అతడి PG వేరే స్పెషలైజేషన్లో ఉందని తిరస్కరించలేమని SC స్పష్టం చేసింది.