News December 2, 2024
రేపు స్కూళ్లకు సెలవు ఉంటుందా?
AP: రాష్ట్రంలో రేపు కూడా వర్షాలు కురుస్తాయని APSDMA తెలిపింది. తేలికపాటి నుంచి మోస్తరు వర్షాలు పడొచ్చని పేర్కొంది. ప్రస్తుతానికి నెల్లూరు, తిరుపతి, వైఎస్సార్, అన్నమయ్య జిల్లాల్లో భారీ వర్షాలు కురుస్తున్నాయి. అయితే మంగళవారం విద్యాసంస్థలకు సెలవుపై కలెక్టర్లు ఇప్పటివరకు ఎలాంటి ప్రకటన చేయలేదు. కాగా, భారీ వర్షాల నేపథ్యంలో ఇవాళ చిత్తూరు, అన్నమయ్య జిల్లాల్లో స్కూళ్లకు సెలవు ఇచ్చారు.
Similar News
News March 20, 2026
BREAKING: పెరిగిన బంగారం ధరలు
హైదరాబాద్ బులియన్ మార్కెట్లో 2 రోజులుగా తగ్గుతూ వచ్చిన బంగారం ధరలు ఇవాళ పెరిగాయి. 24 క్యారెట్ల 10 గ్రాముల బంగారంపై రూ.650 పెరిగి రూ.1,50,930కి చేరింది. అటు 22 క్యారెట్ల 10 గ్రాముల బంగారం రూ.600 పెరిగి రూ.1,38,350 పలుకుతోంది. ఇక కిలో వెండి ధర రూ.2,64,900 వద్ద కొనసాగుతోంది.
News March 20, 2026
NTR అవార్డు.. నా జీవితంలో గొప్ప గౌరవం: చిరంజీవి
‘ఎన్టీఆర్ నేషనల్ అవార్డు’ అందుకోవడాన్ని తన జీవితంలో గొప్ప గౌరవంగా భావిస్తున్నట్లు నటుడు చిరంజీవి తెలిపారు. చరిత్ర కర్తగా నిలిచిన నందమూరి తారక రామారావు తన పేరుతోనే లలిత కళలను ముందుకు తీసుకొని వెళ్లిన మహా కళాకారుడు అన్నారు. NTR అంటే.. N నాట్యం, T తాళం, R రాగంతో కూడిన కళల సమ్మేళనం అని కొనియాడారు. దేవుడు ఎలా ఉంటాడో మనకు తెలియకపోయినా ఆయన పోషించిన పాత్రల ద్వారా దేవుడిని మన కళ్ల ముందుంచారన్నారు.
News March 20, 2026
ఎన్నికల బరిలో హత్యాచార బాధితురాలి తల్లి!
బెంగాల్ ఆర్జీకర్ మెడికల్ కాలేజీలో <<15698320>>హత్యాచారానికి <<>>గురైన బాధితురాలి తల్లి అసెంబ్లీ ఎన్నికల్లో పోటీకి సిద్ధమయ్యారు. పానీహటి నుంచి కంటెస్ట్ చేయాలనుకుంటున్నట్లు ఆమె వెల్లడించారు. గతంలో BJP తనకు టికెట్ ఆఫర్ చేసిందని చెప్పారు. ఇటీవల ఆ పార్టీ అభ్యర్థుల జాబితాను ప్రకటించగా పానీహటి సీటును పెండింగ్లో పెట్టింది. దీంతో ఆమెకే టికెట్ ఇవ్వనున్నట్లు ప్రచారం జరుగుతోంది. దీనిపై అధిష్ఠానం తుది నిర్ణయం తీసుకోనుంది.