News December 29, 2024
‘ఆడబిడ్డలకే జన్మనిస్తావా?’.. భార్యకు నిప్పంటించిన భర్త
ఆడపిల్లలు అన్ని రంగాల్లో దూసుకెళ్తుంటే కొందరు తండ్రుల బుద్ధి మాత్రం మారట్లేదు. మగపిల్లలే కావాలంటూ భార్యను కడతేర్చుతున్న ఘటనలు జరుగుతూనే ఉన్నాయి. తాజాగా మ‌హారాష్ట్ర‌లోని ప‌ర్భానీలో ఉత్త‌మ్ కాలే అనే వ్యక్తి ముగ్గురు ఆడపిల్లలకు జ‌న్మనిచ్చింద‌ని భార్య‌పై పెట్రోల్ పోసి నిప్పంటించాడు. స్థానికులు ర‌క్షించే ప్ర‌య‌త్నం చేసినా ఫలించలేదు. ఆమె సోద‌రి ఇచ్చిన ఫిర్యాదు మేరకు పోలీసులు నిందితుడిని అరెస్టు చేశారు.
Similar News
News January 1, 2025
త్వరలోనే కత్తిపూడి-ఒంగోలు హైవే విస్తరణ
AP: కోస్తా తీరంలో కీలకమైన కత్తిపూడి-ఒంగోలు హైవే విస్తరణకు అడుగులు పడుతున్నాయి. దీనిని 4, 6 వరుసలుగా విస్తరించేందుకు DPR తయారు చేయాలని కేంద్రం ఆదేశించింది. ప్రస్తుతం ఈ రోడ్డు 2 వరుసలుగా ఉంది. 390KM ఉండే ఈ రహదారిలో తొలుత కత్తిపూడి నుంచి మచిలీపట్నం బైపాస్ వరకు, రెండో దశలో మచిలీపట్నం నుంచి ఒంగోలు వరకు విస్తరణ పనులు చేపడతారు. అలాగే ఆకివీడు నుంచి పాలకొల్లు వరకు 40కి.మీ విస్తరణ కూడా జరగనుంది.
News January 1, 2025
NEW YEAR: తెలుగు సినిమాల కొత్త పోస్టర్లు చూశారా?
న్యూ ఇయర్ సందర్భంగా పలు టాలీవుడ్ సినిమాల నుంచి పోస్టర్లు రిలీజ్ అయ్యాయి. బాలకృష్ణ ‘డాకు మహారాజ్’, పవన్ కళ్యాణ్ ‘హరిహర వీరమల్లు’, రామ్ చరణ్ ‘గేమ్ ఛేంజర్’, సిద్ధూ జొన్నలగడ్డ ‘తెలుసు కదా తదితర సినిమాలు పోస్టర్లను రిలీజ్ చేశాయి. 2025లో మీరు ఏ సినిమా కోసం ఆత్రుతగా ఎదురుచూస్తున్నారో కామెంట్ చేయండి.
News January 1, 2025
2025లో మీ రెజల్యూషన్స్ ఏంటి?
కొత్త ఏడాదికి గ్రాండ్‌గా వెల్కమ్ చెప్పేశాం. 2025లో మీరు ఏమైనా రెజల్యూషన్స్ పెట్టుకున్నారా? ఏదైనా సాధించాలని, ఉద్యోగం పొందాలని, జీతం పెరిగే ఉద్యోగం దొరకాలని, జీవితం మారాలని, పొదుపు చేయాలని, మందు, సిగరెట్ మానేయాలని, పెళ్లి చేసుకోవాలని, డైట్ ఫాలో కావాలని, జిమ్‌కు వెళ్లాలని, మందు తాగకూడదని, దూరమైన వారితో తిరిగి మాట్లాడాలని.. ఇలా మీ రెజల్యూషన్స్ ఏంటో? కామెంట్ చేయండి. వాటిని ఇవాళ్టి నుంచే ప్రారంభించండి.