News October 23, 2024
రెబల్ స్టార్కు శుభాకాంక్షల వెల్లువ
రెబల్ స్టార్ ప్రభాస్కి హీరో రామ్ చరణ్ బర్త్ డే విషెస్ తెలిపారు. ఆయన దీర్ఘాయుష్షుతో ఆరోగ్యంగా ఉండాలని కోరుకుంటున్నట్లు ట్వీట్ చేశారు. తన బెస్ట్ ఫ్రెండ్కు హీరో గోపీచంద్ విషెస్ తెలిపారు. ‘ఇండియాలో బిగ్ స్టార్లలో ఒకరిగా ఉంటూ నిరాడంబరంగా ఉండటం నిన్ను మరింత ఎత్తుకు తీసుకెళ్తుంది’ అని పేర్కొన్నారు. వీరితోపాటు అర్జున్ దాస్, శ్రీవిష్ణు, శర్వానంద్, ప్రశాంత్ వర్మ, అనిల్ రావిపూడి, మెహర్ విషెస్ తెలిపారు.
Similar News
News October 23, 2024
ఆయిల్ ట్యాంకర్లో ఇదేంది భయ్యా!
బిహార్లో ‘పుష్ప’ రేంజ్లో స్మగ్లింగ్ వెలుగుచూసింది. ముజఫర్పూర్లో హిందుస్థాన్ పెట్రోలియం ట్యాంకర్పై అనుమానం వచ్చిన పోలీసులు వెంబడించగా నిందితులు ఆ వాహనాన్ని జాతీయరహదారిపై వదిలి పరారయ్యారు. ట్యాంకర్ ఓపెన్ చేసి చూస్తే అందులో మద్యం కాటన్లు ఉన్నాయి. మద్యం అరుణాచల్ప్రదేశ్లో తయారైనట్లు పోలీసులు గుర్తించారు. బిహార్లో లిక్కర్ అమ్మకాలు నిషేధం. అందుకే స్మగ్లర్లు ఇలా తప్పుడు దారులు ఎంచుకుంటున్నారు.
News October 23, 2024
వయనాడ్: ప్రియాంకా గాంధీని ఢీకొంటున్న ‘యాక్సిడెంటల్ పొలిటీషియన్’
ప్రియాంకా గాంధీతో తలపడుతున్న BJP అభ్యర్థి నవ్యా హరిదాస్ది కోజికోడ్. వీరి కుటుంబానికి సంఘ్తో అనుబంధం ఉంది. 2009లో పెళ్లయ్యాక సింగపూర్కు వెళ్లిన నవ్య సాఫ్ట్వేర్ కంపెనీల్లో పనిచేశారు. 2015లో కోజికోడ్ ట్రిప్కు వచ్చి లోకల్బాడీ ఎలక్షన్లో పోటీ చేశారు. ఓడితే సింగపూర్ వెళ్దామనుకున్న ఆమె వరుసగా 2 సార్లు గెలిచి పార్టీలో ఎదిగారు. 2021లో కోజికోడ్ సౌత్ నుంచి MLAగా ఓడినా BJP ఓట్ల శాతం17-21కి పెంచారు.
News October 23, 2024
భారీ వర్షాలు.. ప్రజలకు హెచ్చరిక
బంగాళాఖాతంలో ‘దానా’ తుఫాన్ కారణంగా APలో భారీ వర్షాలు కురుస్తాయని విపత్తు నిర్వహణ సంస్థ తెలిపింది. తుఫాన్ ప్రభావంతో తీరం వెంట గంటకు 80-90KM వేగంతో బలమైన ఈదురుగాలులు వీస్తాయంది. ఇవాళ, రేపు సముద్రం అలజడిగా ఉంటుందని, మత్స్యకారులు సముద్రంలో వేటకు వెళ్లవద్దని హెచ్చరించింది. ప్రజలు అప్రమత్తంగా ఉండి, జాగ్రత్తలు తీసుకోవాలంది. రేపు అర్ధరాత్రి నుంచి శుక్రవారం తెల్లవారుజాములోపు తుఫాన్ తీరం దాటే అవకాశం ఉంది.