News March 1, 2025
WNP: సీఎం ప్రోగ్రాంకు జిల్లా కలెక్టర్ ఆహ్వానం.!
రేపు వనపర్తి జిల్లాకు సీఎం రేవంత్ రెడ్డి రానున్నారు. పలు అభివృద్ధి పనుల శంకుస్థాపనకు వస్తున్నారని ప్రముఖులు, ప్రజలు పాల్గొనాలని జిల్లా కలెక్టర్ ఆదర్శ్ సురభి ఆహ్వాన పత్రికను విడుదల చేశారు. ప్రభుత్వ జూనియర్ కళాశాల మైదానంలో అభివృద్ధి పనుల శిలాఫలకాలను ఆవిష్కరిస్తారని అన్నారు. KDR పాలిటెక్నిక్ కళాశాల మైదానంలో ప్రజాపాలన ప్రగతి బాటలో సీఎం పాల్గొంటారని అన్నారు. ఈ కార్యక్రమాన్ని విజయవంతం చేయాలని కోరారు.
Similar News
News November 27, 2025
తూ.గో.లో మండపేట విలీనం.. పెరగనున్న పట్టణ జనాభా
జిల్లాల పునర్విభజనలో భాగంగా తూ.గో జిల్లా పట్టణ జనాభా పెరగనుంది. మండపేట నియోజకవర్గాన్ని జిల్లాలో పూర్తిగా కలుపుతూ ప్రభుత్వం గ్రీన్‌సిగ్నల్ ఇచ్చింది. దీంతో మండపేట మున్సిపాలిటీ జిల్లా పరిధిలోకి చేరనుంది. ప్రస్తుతం రాజమండ్రి, కొవ్వూరు, నిడదవోలు పట్టణాలతో కలిపి 4,27,380 ఉన్న జిల్లా పట్టణ జనాభా.. మండపేట చేరికతో 4,80,968కి చేరనుంది. పరిపాలనా సౌలభ్యం కోసం ప్రభుత్వం ఈ నిర్ణయం తీసుకున్నట్లు సమాచారం.
News November 27, 2025
అత్యాచార నిందితుడికి 10 ఏళ్ల జైలు శిక్ష: ఎస్పీ
మానసిక వికలాంగురాలిపై అత్యాచారానికి పాల్పడిన నిందితుడికి పోక్సో కోర్టు జడ్జి వై. వెన్నయ్య నాయుడు 10 సంవత్సరాల జైలు శిక్ష విధించినట్లు ఎస్పీ రాహుల్ మీనా బుధవారం తెలిపారు. అంబాజీపేట మండలం చిరుతపూడికి చెందిన కట్టా బ్రహ్మేశ్వరరావు, అదే గ్రామానికి చెందిన 25 ఏళ్ల మహిళపై అత్యాచారానికి పాల్పడినట్లు పోలీసులు కేసు నమోదు చేశారు. సత్వర దర్యాప్తుతో నిందితుడికి శిక్ష పడింది.
News November 27, 2025
మెదక్: సర్పంచ్ అభ్యర్థులకు గుర్తులు ఇవే..
సర్పంచ్ ఎన్నికల్లో పోటీ చేసే అభ్యర్థుల గుర్తులు 30 ఉండనున్నాయి. అందులో ఉంగరం, కత్తెర, బ్యాట్, ఫుట్ బాల్, లేడీ పర్సు, టీవీ రిమోట్, టూత్ పేస్ట్, స్పానర్, చెత్త డబ్బా, నల్ల బోర్డు, బెండకాయ, కొబ్బరి తోట, వజ్రం, బకెట్, డోర్ హ్యాండిల్, టీ జల్లెడ, చేతి కర్ర, మంచం, పలక, టేబులు, బ్యాటరీ లైట్, బ్రష్, బ్యాట్స్ మాన్, మనిషి, తెరచాపతో పడవ, బిస్కట్, వేణువు, చెయిన్, చెప్పులు, గాలి బుడగ ఉంటాయి.